رز الخلطه
اول حاجه بقطع كبد وقوانص الفراخ واشوحها بزيت
كمان بحضر المكسرات واشوحه بزبده علي النار
وانا استعملت جوز ولوز وزبيب وسنوبر وكاجو.
بحط معلقه كبيره سكر علي النار في حله يتكرمل المهم يعمل لون حلو بس لو اتحرق هيمرر ولو متكرملش كويس هيعمل سكر في الرز وبعدين بضيف مايه واحط فيها قرفه ورق لورا حبهان قرنفل ملح وفلفل اسمر واول متغلي احط الرز واظبط الملح كويس واحط الكبده وشويه مكسرات واقلب كويس واسيبه يستوي ولما يخلص ارش علي الوش المكسرات والف هنا.
فراخ كنتاكي بقطع الفرخه 8 قطع او بانيه واتبلها بصل وتوم وطماطم وفلفل ورق لورا حبهان قرنفل كمون وشطه وشويه كركم واقلبهم شويه علي النار لو الفراخ كبيره.
نجيب دقيق ونحط عليه توم وبصل بودر وبيكنج بودر وملح وشطه وفلفل اسمر ورق لور حبهان قرنفل مطحونين وكركم وناخد من الدقيق تلات معالق ونحط عليهم تلات معالق مايه وبعدين نستخدم الخلطه دي بدل البيض نحط في الخلطه بعدين في الدقيق ونقلي والف هنا.
كدا خلصت يارب يكون الموضوع عجبكووو
مواضيع هذا القسم برعاية
لولوه الشعنونه لولوه الشعنونه 658279_2.gif فتكات غالية قوي Fatakat 658279 ابوظبي – الامارات