السلام عليكم يا فتوكات
انا لسه كاتبه من شوية موضوع الكوسة بالباشميل وكنت عاملة جنبها رز فى الفرن فقلت اقولكم عليه وينوبنى فيكم ثواب ههههههههههه
بس يارب يعجبكم
المقادير:
ارز ابيض 2كوب ونصف
بصلة مبشورة
كبدة المتاح عندك يعنى ربع كيلو اكتر شوية
لبن
شوربة
واسيبكم مع الصور شوية
فاصل ونواصل
بنسوى الكبدة مع بصل على النار وبنتبلها بملح وفلفل
بنشوح الرز بالسمنة على النار
بعد ما نشوح الرز شوية نضيف عليه الكبدة بعد ما استوت
ويكون عندنا لبن سخن وشوربة سخنة
تقريبا للكوبيتين رز كوباية ونص لبن وكوباية ونص شور بة ولازم يكونوا سخنين
نسقى الرز مغرفة لبن ومغرفة شوربة وهكذالحد ما نغطيه باللبن والشوربةونحدقه بالملح والفلفل
ونسيبه يغلى غلوة على البوتاجاز وندخله الفرن بياخد فى الفرن تلت ارباع ساعة تقريبا
ونحط معلقة سمنة على الوش قبل ما ندخلها الفرن
ودى شكل الصينية لما طلعت من الفرن
يارب يعجبكم وبالهنا والشفا
ومتنسوش التقييم يا قمرات علشان مزعلش منكم احسن انا تعبت اوى فى رفع الصور مواضيع هذا القسم برعاية
الراغبة بالجنة الراغبة بالجنة فتكات هايلة Fatakat 349653 الدوحة – قطر