السلام عليكم ورحمة الله وبركاته
لا اله الا الله الحليم العظيم
ازيكم يا قمرات
هقدملكم النهارده ارز بالكاري مع الاجنحه
2 كيلو هياكل هو بيكون بس رقبه والاجنحه
نص كيلو ارز بسمتى
جميع التوابل خصوصا الكاري مهم جدااااااا
بطاطس شيبسي
بنضف الهياكل كويس جداااااااااا وتنقعيهم فى ميه وخل نص ساعه وترجعى تنضفيهم تانى
انا بحب اشيل الرقبه لاى وقت اتزنقت فى شوربه او هعمل محشي
التتبيله بقى دى اهم شييييييء
بصله كبيرة + ثوم + طماطميه حلوة + فلفل رومى + ملح + كل البهارات اللى عندك + مسترده + كاتشب
بجد المسترده والكاتشب بيدوكى طعم تانى خاااااااااالص لتتبيل اى لحوم
كل ده فى الكبه وانزلى بيهم على الاجنحة وياريت لو تتبيليها من بالليل بتبقى النتيجه اروع
جه وقت القليه
على ما يسخن الزيت
فى الخلاط او بمضرب اليد مش هتفرق
كوب لبن + 4 ملاعق دقيق + 4 ملاعق بقسماط ناعم + توابل بس بدون ملح لاننا تبلنا الاجنحه كويس
واخلطيهم كويس جداا لو حسيتيه خفيف زودى دقيق تانى يبقى زى الكيكه السايله
تكونى شيلتى التتبيله من على الاجنحه يعنى تخليها كانها لسه مشترياها فاضيه خالص
وتحطيى عليها الخليط وطبعا الزيت سخن جدا هو ده المطلوب
تزلى بقى بجناح جناح مش ورا بعض عشان مايلزقوش فى بعض
مش هتاخد وقت خالص دقيقتين لكل جنب وخلاااااااص
اتفضلي
الارز بقى تغسليه كويس جدا وتنقعيه قبلها بنص ساعه فى ميه بسسسسسسس وقبل الاستخدام على طول حطيه فى المصفى يتصفى كويس
على النار بقى الحله فييها بصله متقطعه شوحيها بشويه زيت وبعدين بردو تنزلى بكل التوابل واهم حاجه كاري وكركم وتشوحيهم مع البصل وياسلام لو حبيتين قرنفل وحبهان
خلاص البصل اتشوح انزلى بالرز المتصفي وشوحيه بردو كويس جدااااا وبعدين اديله الميه حوالى 3 كاسات ميه وعلى فكرة اى ميه هتديهالو هيشربها باذن الله وهى دى فايده النقع
لو احتاج ميه تانى ابقى زودى حبه حبه
سيبيه يغلى واول ما يغلى توطى النار وتحطى تحتيه صاجه او الشياطه
واتفضلي احلى طبق ارز بالكارى
انا قدمت معاهم شيبسى جاهز لان البطاطس اليومين دول مش حلوة للتحمير
بالف هنا وعافيه
ماتنسوش الرد والتقييم والدعوة بظهر الغيب مواضيع هذا القسم برعاية
MarMora MarMora 140849_6.gif سوبر فتكات Fatakat 140849 القاهرة – قلب زوجي وبنتي رودينا