السلام عليكم ورحمة الله وبركاته
ازيكو يا اجمل فتوكات؟؟؟؟؟؟؟؟
ربنا يجعلها جمعه مباركه علينا جميعا
بصراحه حبيت اساعد كل الفتوكات ال بيجهزوا وفلوسهم بقت يدوبك زيي كده
بقالي فتره كنت بلف عشان اكمل حبة بيجامات وبرمودات وبناطيل وبديهات وملابس داخليه ال هي خامتها زي الكارينا بالظبط دي
وكان في محل اكتشفته عند الحنفي بيبيع المفروض بسعر الجمله
فسألته على دستة البرمودات الكارينا قالي ب 108ج على اساس ان الواحد ب9ج تقريبا
ونويت اشتري منه تاني يوم
بس افتكرت ان في محل بعدي عليه يوميا وانا رايحه الشغل وبلاقي عنده دايما زحمه موت
وهو محل كبير للجمله
المهم اتشجعت ودخلت سألت على البناطيل والبرموده الكارينا
قالي دستة البرمودات ب 88ج وخامتها تحفففففففففففففففففففففففه يعني القطعه ب 7.30 ج
دستة البناطيل ب 90ج بس خامتها مختلفه عن البرموده بس جميله جدا واختي لبستها وعجبتها جداااااااااا بردو والقطعه ب 7.50 ج
وطبعا الدسته 12 قطعه
ودي صور البرمودات ال جبتها
معلش كاميرا الموبايل على قد حالها
ده بيوضح خامة الكارينا نضيفه وحلوه وطريه ماشاء الله
ولقيت عنده تشكيلات كتير جدا من بديهات واندرات وبراهات وقمصان نوم وبيجامات كامله بس خامة الكارينا
وكل ال نفسك فيه هتلاقيه
الدسته بتبق مشكله الوانات
بس مينفعش انتي تختاري الوان معينه
وعرفت ان هو ال بيبيع لكل محلات الجمله والقطاعي ماشاء الله
وكل نيتي من الموضوع ان فعلا اي واحده بتجهز بيبق نفسها تجيب حاجات جميله وبسعر جملتها
ربنا يعينا جميعا ونجيب كل ال نفسنا فيه من غير افترا
ملحوظه المحل ده في المحلة الكبرى
هو المحل كبير جدا قصاد سوق الجمله قبل الششتاوي
جزاكم الله كل خير
وتحت امركو فاي استفسار
batates batates 26199_1.gif سوبر فتكات Fatakat 26199 المحله الكبرى – مصر