السلام عليكم ورحمة الله وبركاته
الحمد لله الذي عافانا مما ابتلي به الاخرون
الحمد لله على نعمه الصبر والرضاء بقضاء الله مهما كان وعلى كل نعمه طبعا
ادعولي ان ربنا يشفيني وادخل الشهر التاسع بامان فاضل لي عليه 12 يوم بس
ادعولي ربنا ينجي ابني من اللى حصلي وميكونش اثر عليه في حاجه
انا هقولكم اللى عندي يمكن حد يستفاد او حد يفيدني بحاجه واعذروني ان كنت هطول عليكم
انا متزوجه بقالي سنتين بالظبط الحمد لله نعمه احمد ربنا عليها
دا تاني حمل ليا الحمل الاول ربنا رزقني بمايا بس توفاها الله بعد اربع ايام من ولادتها لاني ولدتها في الشهر السادس ودي ليها قصه كبيره من نزيف لفتح جيب الميه لتسمم حمل وميه خضرا وولاده مبكره واللى عاوز يسال علي اي حاجه من دول انا تحت امركم
انا من اول لما دخلت في الشهر التامن بدأ يجيلي طلق والحمد لله قدرنا نوقفه بالعلاج دوسبا وجينبرال
فجاه من اسبوع بدا يجييلي حاله غريبه جدا عدم رغبه في الاكل واكلت يومها خوخ بس والحمد لله رجعته كله وجبلي اسهال واليوم عدا على خير
وتاني يوم باليل لقيت نفسي عاوزه انام بدري عن ميعادي اربع ساعات قولت عادي يمكن ارهاق من الحر
دخلت انام وبعد ساعتين صحيت علي رعشه مميته وربنا عالم بتبقي عامله ازاي وبترعش وسقعانه موووووووووووت واكن حد دخلني التلاجه
وسناني بتخبط في بعضها واستمرت حوالي خمس دقايق وجوزي دفاني ونمت وعادي ودا كان يوم الاتنين اللى فات
يوم التلات بدات ابقا مهزوزه وكسلانه وطلق جامد جدا وامساااااااااااااااااااااااااك شديد لجرة اني دخلت الحمام في قبل الفجر والدنيا ضلمه طلعت منه والدنيا نور والبواسير ملتهبه وكلها بره لدرجخ اني مكنتش عارفه امشي
وبالمناسبه الناس اللى بتعاني من البواسير العسل الابيض ممتااااااااااز ليها
يوم الاربع حصلت الرعشه دي مره كمان ونفسي غما عليا برده والطلق برده زايد والامساك زي ما هو
يوم الاربع باليل بقيت بخرف وشايفه حاجات مش موجوده وضغطي وطا موت
يوم الخميس جيت اروح للدكتوره الظروف منعتنا قولنا هنروح باليل بس علي الساعه خمسه حسيت اني سخنه قيست الحراره لقتها قعلا 37ونص اخدت ابيمول ونمت ساعه
صحيت من النوم حستها زادت قستها لقتها 39 قولنا هنروح للكتور كلمناه قال هيجي علي 10ونص
علي الساعه 9 باليل درجة حرارتي ارتفعت جداااااااا معرفش كام الدكتور جالي البيت قسها ومرضاش يقولنا
بس علي اثر الحراره دي بقيت بترعش جدا وسناني بتخبط في بعضها ولوني بقا ازرق
شفايفي ازرقت وبشرتي ازرقت لدرجة ان جوزي قالي انطقي الشهاده ومتبطليش تقوليها
سعتها بصيت لجوزي وقولت له معقول مش هشوفك تاني وبصيت لبيتي وحفظت اللى قدرت اشوفه وبدات اصوت قوي قوي اكني بولد طبيعي كدا دا كان قبل ما الدكتور يجي وطبعا دا دكتور باطنه مش نسا ومكنتش حسه بحركه الجنين خالص سعتها
الدكتور جه اداني حبايتين ابيمول اكسترا كنت بدات اهدا شويه ونايمه علي السرير ووالدي ووالدتي جم في الطريق وعلي ما جم الرعشه كانت رجعت تاني ةطبعا وجع مميت في كل حته في جسمي وزرقان رجع تاني اخدوني علشان يودوني للدكتور بتاع النسا الطريق بياخد نص ساعه اخدنا ساعتين في الطريق بسبب ان كان في ناس ببتخانق فقاطعين الطريق ربنا يهديهم مش هقول غير كدا
روحت للدكتور كشف علي البيبي لقاه كويس الحمد لله مفكرش حتي يقيس الحراره واداني برده ابيمول ومضاد حيوي بس علي كدا ومصدقش اني ازرقيت وقاس لي الضغط لقاه واطي
روحت البيت الساعه 3 الفجر عند بابا وجوزي معايا كلهم ناموا علي الساعه اربعه من الارهاق وانا معرفتش انام علي الساعه 6 الحاله رجعت تاني واشد مليون مره من الاول صحيت جوزي بسرعه قولت له انا هموت غطوني بكوفرته وبطانيه ولحاف قطن مجوز تقيل قوي وكنت بترعش من البرد وازرقيت خالص وايدي ورجلي مش حسه بيهم غير حرقان بس
بابا نزل جري جاب دكتور صاحبه جالي الساعه 7 الرعشه كانت قلت شويه مع تنظيمي لنفسي بس لسه حسه اني هموت
الدكتور قاس الحراره لقاها 41ونص وعيني حمراااااااااااااااااا ومش بتكلم كسف بالسماعه علي النونو لقاه متوتر معرفش يعني ايه
عملي كمادات سبرتوا وخل واداني حقنتين وريد واحده منهم لازم لها كلونه والحراراه فضلت عاليه لحد الساعه 10 بدات تنزل والكمادات كانت علي بطني وضهري ورجلي وايدي ووشي ورقبتي وكمان كمادات تلج
من يوم الجمعه لحد النهارده درجة حرارتي بترتفع مرتين يوميا بتوصل لحد 39 وساعتين كمادات تنزل تاني النهارده مستقره الحمد لله بسبب اني حطه كمادات تيمبو كول على طول مش بشيلها اصلا وباخد دش ساقع كذا مره في اليوم وباخد خافض للحراره علي طول ومضاد حيوي
انا حللت وظايف دم ووظايف كبد ووبروسيلا وبول وسكر وسي ار بي وحاجات كمان كتير مطلعش عندي غير نسبة صديد والهيموجلبين قل بقا 10ونص
اه صحيح قبل ما اسخن علي طول وزني نزل 4 كيلو في اربع ايام
انا عارفه اني طولت عليكم بس حبيت افيدكم بالاعراض والعلاج
ادعولي بس ربنا يكملي علي خير لحد التاسع والبيبي ميكونش حصله حاجه من السخونيه دي وان شاء الله ابقا اطمنكم لاني هولد اول يوم في التاسع علشان الطلق وكمان الحجات اللى مش عارفه سببها دي ايه
مايا المسلمه مايا المسلمه 619860_2.gif سوبر فتكات Fatakat 619860 طنطا – مصر