السلام عليكم
بالله عليكم تدعولى ان البعيدة متجيش وتقهرنى
واحلل واطلع حامل ياااااااااااااارب
انا مش حاسة بأعراض حمل بس أملى فى ربنا كبير انى اطلع حامل الشهر ده
انا لسة ميعادها ناقصلة كام يوم
انا اخر مرة جاتلى كانت 19/11 وبتيجى كل 30 يوم
يارب ما تيجى بقة يااااااااااااااارب واطلع حامل انا وكل اللى نفسهم فى نونو
ادعولى النهاردة الجمعة ويمكن بدعوة منكم بظهر الغيب فى اليوم المفترج دة ربنا يستجيب باذن الله
وخصوصا ان حصل موقف من فترة جرحنى واتضايقت جدا وكان من اقرب ناس ليا ونفسى افرح بقة
تخيلوا انا اختى ماشاء الله حامل فى السابع وكنت عندها وبهزر معاها وبقولها جمله معتاده عشان هيا حاسة انها بقالها كتير حامل وزهقت فبهون عليها واقولها هانت يا كوكو والللهى وخلاص اجمدى كدة السابع خلص وهوبا التامن هيخلص ويلا هوب هتلاقى نفسك خلفتى ان شاء الله
فجوزها دخل علينا على جمله اية بقة ؟؟
جمله خلاص هتخلفى دلوقتى
لقيته بيقول لسة بدرى يخربيتك اعوذ بالله
طبعا انا اتصدمت ورحت عايدة الجمله من الاول عشان يفهم انا بقول اية
طبعا كنت حابسة العياط وعايزة امشى باى طريقة وبمجرد ما نزلت انهارت فى العياط لوحدى وبقيت ماشية مش عارفة اوقف العياط
هوا كويس بس اول مرة يطلع حاجة زى دى
حسيت انه خايف احسدها
معقوله انا هاحسد اختى
دة انا على طول لسانى مش بيفارق جمله ماشاء الله والله اكبر حتى لو على ناس معرفهاش
دة انا اكتر واحدة بكون فرحانه لها وبموت فى عيالها وفية فرق سن كبير بينا اصلا
يلا الحمدلله على كل حال
ربى لا تذرنى فردا وانت خير الوارثين
يارب ارزقنى انا وجميع بنات المسلمين
love allah88 love allah88 662700_2.gif فتكات رائعة Fatakat 662700 القاهرة – القاهرة