السلام عليكم
أزيكم فتكوتاتى ؟
عاملين ايه وحشنى والله
كل سنة وانتم طيببن وربنا يجعله شهر مقبول منا ومنكن يا رب
انا يا بنات طبعا بعشق الطبخ والأكل وبحب اتفرج ع برامج الطبخ زى فتافيت و cbc سفرة بجد حلوين اوى
المهم فى برنامج من البرامج بتاعت سى بى سى سفرة كان فى وصفة عجبتنى اوى وقولت اجربها
هى سهلة جدا واى حد يدقر يعملها يا بنات ولا اسهل ولا اسرع
وهى صراحة تجديد للشوربات لانى مش بحب شوربة اللسان عصفور ومليش ميل للشوربات خالص بس الوصفة عجبتنى فقولت اجربها مش هخسر والمكونات موجوده فى كل تلاجه ههههههههههههههه ^^
وعشان تعرفوا بس يا بنات اهم حاجه ع سفرة رمضان السلطة الخضرا والشوربة قبل الأكل عشان بيسلكوا المعدة ويجهزواها لاستقبال الاكل
والوصفة سهلة حتى البنات اللى مش بيحبوا الطبخ وملهمش فى وقفة المطبخ دى وصفة سهلة مش بتاخد الا 20 دقيقة بس ومعظم الوقت انتى قاعدة مكانك
أنا مش هطول عليكم وهبدأ
بســـــــــــــــــــــــم الله
اولا المكونات
1-طماطم حسب عدد افراد الاسرة (أنا حطيت 3 طماطمات كبار حلوة طماطمات دى الله عليا وعملولى حوالى 3 او 4 سلطنيات )
https://files2.fatakat.com/2015/7/13745909468057.jpg
بس دى مش زى الطماطم بتاعت مصر طبعا هههههههههههههههه
2- جزر حسب ما انتم تحبوا لو عايزين نكهته ظاهرة فى كفايه 3 حبات وسط وع فكرة بيدى قوام وطعم جميل جدا للشوربة
https://files2.fatakat.com/2015/7/13745910318256.jpg
3-فلفل الوان لو عايزين تحطوا قرن فلفل حار للى يحبوا الحاجات الحارة مفيش مانع بس انا محتطهوش عشان مش بحب الحاجه سبايسى
https://files2.fatakat.com/2015/7/13745911056995.jpg
4- بصل وتوم حسب الرغبة يعنى انا مش بحب البصل فمحتطش انما انتى لو عايزة هنكتفى بحبه واحده متوسطه
وحوالى 2او 3 فصوص ثوم محترمين ههههههههههههه
5- زعتر برى وروزمارى وملح وفلفل طبعا وقرفة رشه بسيطة وبهاراتك انتى بقى شوفى انتى تحبى تحطى ايه فيها انا حطيتك كل اللى فى درج ا لتوابل عهعهعهعههعع ^^
https://files2.fatakat.com/2015/7/13745912478522.jp
وحبة كريمة صغيرين للتزين
بس لو مش عندك انا محطتش غير حبه لين صغيرين يعنى ممكن لين بس حوالى معلقتين او 3 كبار
ارسوا
بس مش اكتر هما يبانوا كتار بس كلهم متوافرين فى التلاجة المنزلية هههههههههه
هنبدا الوصفة
اولا
محتاجين طماطم متقشرة
وتكون طازة مش مطبوخة سليمة يعنى
*عشان نسهل تقشير الطماطم نحطها فى ماء مغلى لمده 4-5 ثوانى
نصيحتى لليوم ^^
ونقطعها قطع كبيرة يعنى ارباع هتبقى كويس ونقطع الجزر كذالك والفلفل والبصل لو هتصيفوا وفصوص التوم توضع كاملة ولكن مقشرة
ونجيب صنية ونحط عليها ورق الفويل وشويه زيت زيتون المكونات كلها على الفويل (الطماطم والجزر والفلفل الوان والبصل والتوم)
وبعدين نحط الاعشاب (الزعتر والروزمارى ) وملح وفلفل أكيد واى توابل تعجبك اهو ادينا بنبدع ونسلى صيامنا بدل ما احنا طول اليوم يا اما نايمين لااما قاعدين ع السرير قال ايه صايمين هههههههههههههه
وبعد كده نحط شويه زيت زيتون ع الخضار
وندخلهم الفرن يتشوى لمده من 10-15 دقيقة حسب حرارة الشوايه بتاعتك مش تحرقيهم وتسيبيهم يتعاركوا فى الفرن وتروحى انت تتفرجى ع الاستاذ t.v ولا ع النت ها خلى بالك وهما اول ما هيستوا هيطلعوا ريحه شوى جميلة الله الله انا جوعت والله بس يلا عشان عيون فتكوتاتى والبنات الجداد اللى مش بيعرفوا يطبخوا
وبس لما يطلعوا من الفرن هنحطهم فى الخلاط مش كل الكمية ع حسب الخلاط يستحمل قد ايه
وصح هنحط شويه شوربة عليهم ونخلط لحد ما تخلصى الخضار ومتنسيش الصوص اللى نزلته الخضار وهى بتتشوى تحطيه برضه كلها نكهات هتضيف طعم جميل
وطبعا انتى تعملى كده لحد ما تخلصى الكمية لو حسيتى انها تقيلة ممكن تذودى شويه شوبة تانين لو حفيفة لما تحطيها ع النار سبيها تغلى شوية عشان تتقل
هنحطها فى حلة ع النار ومعها معلقتين اللبن او الكريمة
ونسيبها مفيش حوالى 3 دقائق او 5 وهتلاقيها غليت عشان الخضار سخن
بس وترفعيها ع النار
ملحوظة خلى بالكم منها يا بنانبت انكم لما تحطوا الخضار فى الخلاط مع الشوربة عشان يتخلط شيلوه الفتحه ا للى فى الغطا والاحسن انكم تغطوا بفوطة مطبع وتخلوا فتحه صغيرة عشان البخار يطلع
لحسن لقدر الله ينفجر عشان البخار السخن بيكون عايز يطلع ماشى
ولو حبتوا تصفوها صفوها او ممكن متصفهوش حسب انتم بتحبوا تشربوها أزاى ؟؟؟!!
انا عن نفسى بحبها زى ما هى من غير ما ا صفيها ويكون فيها قطع صغير ة باينه يعنى مش مخلوطة اوى (ده كله حسب الرغبة ) ^___^
بس وبتقدموها وبيكون شكلها فى الغالب كده متتخضوش من اللون اللون بيبقى احمر باهت عشان الجزر والفلفل وغيره فهى لازم تكون كده انتى حبيتبها حمرا حطى صلصلة عليها بس انا مش بحبذ الصلصة فى حاجه مفيدة زى كده عشان ناخد الفايدة كلها
ودى صورة بس مش اللى انا عملتها اللى انا عملتها أحسن طبعا ههههه
https://files2.fatakat.com/2015/7/13745922732665.jpg
وممكن تقدمى معها توست بمحمص بزيت الزيتون والتوم
او كرات صغيرة لحمة
او تحمصى العيش العربى بتاعتنا ده وتحطيله شويه زيت وبهارات وتدخليه الفرن يتحمص
او ع الاقل اشتروا كيس سن بايتس من ابو جنيه ده وحطوه عليه
بس وزينوها بعرف بقدونس او كريما او التوست
وبألف هنا وشفا
جربوها وقولولى حلو ولا لأ ماشى
استودعكم الله دمتم فى حفضه
#مش تنسوا التقييم يا بنات وياريت اللى يرد يعمل اقتباس عشان اعرف اشوفه وارد عليه ماشى
السلام عليكم ورحمة الله وبركاته
انيييوو ^^ مواضيع هذا القسم برعاية
gold girl gold girl 458618_7.gif فتكات نشيطة Fatakat 458618 الاسكندرية – مصر