السلام عليكم ورحمة الله وبركاته
انا هدخل ف الموضوع على طول…اللانشون البيتي اتعلمته من فتكات وكل الطرق ممتازه لكن مشكلتي تسوية اللانشون بطريقه صحيه لان الاكياس البلاستك خطر جدا جدا جدا
ولما حطيته ف كوبايه استانلس اخد وقت طويييييل وكان محتاج متابعه باستمرار والكوبايه بتطفو لفوق واحط عليها حله ودوخه يعني …المهم ما يقرب من سنه وانا منعت اعمل لانشون مع الاستمرار ف التفكير في طريقه ..خاصه لما احب اجدد سندوتشات المدرسه
النهارده جاتلي فكره وانا مبدئياً كده راضيه عن نتيجتها جدا الى ان يتم تطويرها
سويته زي تسوية الكريب(انا بسوي الكريب في صينية البيتزا الصغيره جدا) وطلع جميل جدا ومستوي وممتاز..وحبيت اجرب لو انا عملته ف صنيه كبيره ممكن اقطعه فقطعت من النص بسلطانيه شوربه صغيره وطلع شكله رائع الدايره مستويه وجميل
اللي بطلبه منكم بقى اللي تعمله او تتطوره وتعمله بكميات اكبر ف صينيه كبيره تقولنا عمل معاها ابه؟
او اسويه قرص قرص احسن
انا عملت بيضه واحده وقطعه نستون واحده ومعلقة دقيق ومعلق صغيره جدا نشا وممكن بدونه والتوابل ده على سبيل التجربه وطبعا سمكه كان زي اللانشون بالظبط لاني فردته ف الصينيه
مهم اوي اقواكم ممنوع مرقة الدجاج خطييييييييييره جدا وممنوع الالوان الصناعيه
انا حطيت بابريكا اللي هو الفلفل الاحمر البارد المطحون
جربوا وقولولي مواضيع هذا القسم برعاية
اللى ذاكر ذاكر اللى ذاكر ذاكر فتكات نشيطة Fatakat 187916 الجيزه – مصر (خير جنود الارض)