انا يا بنات ممله جدا في اكلي معرفش غير الاكلات التقليديه لحمه مسلوقه ومحمره وجمبها خضار وكذلك الفراخ وكفته مشويه هو ده تقريبا الاكل الي بعمله بس
بس انا خلاص زهقت وقررت اغير اكلي وان شاء الله كل اكله جديده هعملها هنزلها ليكوو
النهارده بقي عملت بطاطس محشيه لحمه مفرومه وكنت مرعوبه تطلع وحشه بس الحمد لله طلعت تووووحغه وجوزي حبها جدا
ودي الخطوات علي طول عشان مطولش عليكو
تقشير البطاطس وتقويرها مع الاختفاظ بالتقويره
في ناس بتحمر البطاطس بس انا سلقتها في مايه وفيها ملح وكمون وشويه كركم وبهارات فراخ وكام فص توم مكسرين
سبت الميا تغلي شويه وبعدين حطيت فيها البطاطس مش اكتر من غلوه وطلعيها وده شكل الميه
ودي البطاطس بعد مطلعتها من الميه
وبعدين جبت اللحمه المفرومه المتعصجه ودي سهله بصله كبيره ولما تدبل تحطي اللحمه ولما لونها يتغير تحطي عصير طماطم واو صلصه وبهارات
جبت الصينيه وفاكرين التقويره حطيت عليها طماطم متقطعه وبصل متقطع وشويه زيت وحطتها شويه علي النار
وحشيت البطاطس وقفلتها بحته بطاطس صغيره ورصتها علي الصينيه وحطيت شويه مايه وملح وفلفل صغننين خالص ودخلتها الفرن
[size="6"][color="black"][color="Red"]ولما استوت ولعت عليها الشوايه وده الشكل النهائي
يا بنات انا تعبت قوي في التصوير والرفع قيموني وشجعوني عشان كل ماعمل اكله جديده اعرفكم مواضيع هذا القسم برعاية
صاحبه القصر صاحبه القصر 390788_2.gif فتكات هايلة Fatakat 390788 القاهره – مصر