ازيكو ياعرايس ان شاء الله كلها كام يوم ونقولكو يامدامات
بصو بقى انا ناويه اشرحكلو كل حاجه عن الشقه وفرشها والجهاز والفرح والفستان والهدوم والبرفانات وكل الوش الى انا عيشته دا
وطباع الزوج والتغيرات الى هتقابليها قبل وبعد الجواز ودا هايبقى اهم موضوع
ادعو بس نوصله
انهارده هانبتدى بالمطبخ
انا طبعا زى كل العرايس كنت بنزل السوق نفسى اشترى كل الى فى المحلات واروح
ولو ماما مارضيتش تجبلى حاجه كنت بقعد اتنطط وازعل وانام معيطه وحاليا اكتشفت انى كنت هبله
لان 95 % من الحاجات الى جبتها ماستخدمتهاش
بصو باعروسه منك ليها الفتره بتاعت الجهاز دى بتبقى اعصابك متوتره جدا اى حااجه بتعفرتك بسرعه
مستنيه اى حد يجى جنبك عشان تصوتى فانتى ريحى دماغك واعصابك خاااالص وعيشى احسن فتره فى حياتك
لانها صعب تتكرر تانى عيشى ايام خطوبتك واستمتعى بكل لحظه فيها سيبك من الحلل والههدوم والشربات والمشابك وجو الفليبينيه الى انتى عايشه فيه دا
ركزى فى انك تدى كل لحظه حلوه فى حياتك حقها ومتشغليش بالك باى حاجه تانيه كدا كدا مش هاتجيبى عير الى ربنا كاتبهولك
ماتسهريش بليل تقعدى تفكرى انا ناقصنى شربات وناقصنى جزمه فوشبا عشان البدى الابيض نفضى ياحبيبتى والله ما فى حاجه بتنفع غير الكلمه الحلوة حتى لو متجوزة بشنطه هدومك خلى طبعك هادى ودايما وصلى لخطيبك المعلومه دى
وايااااااااااااااكى ايااااااااااااااااااكى ايااااااااااااااااااااااكى
تشيلى عنه حاجه او تعملى حاجه هو المفروض يعملها والله هايتعود يرمى عليكى كل حاجه
ولو اشتكيتى بعد كدا مش هتاخدى غير لوية البوز اسالى مجرب
سبيه هو يشيل المسئوليه مهما كانت مسئولياته وشغله انتى وراحتك اهم هو لازم يتعب دا واجبه وحقك يريحك
نرجع لموضوعنا ويارب مايكنش فى رجاله معانا هنا
بصى دى اهم الحاجات الى هاتستخدميها فى المطبخ والى لازم تكونى جيباها
على الاققل تلت حلل تيفال وياسلام لو تيفال سافلون تحفففففه
وكمان طقم الحلل الصاج عشان السلق ولو هتبيتى طبيخ فى التلاجه
وطقم حلل المونيا او استلس لو بتحبى تطبخى فيهم انا شخصيا مش بحبهم
ولازم تلت صوانى تيفال مدورين و 2 المونيا
و قالب بيركس وقالب تيفال وقالب المونيا
طبعا شنطه المعالق
وشنطه السكاكين ملهاش اى لزمه جيبى سكاكين فردانى احسن
طبعا البلاستيكات كترى فيها على قد ماربنا يقدرك
طقم التوابل طبعا وطقم توزيع تيفال واستلس وخشب
وطاستين تيفال و2 المونيا
ووك تيفال حلو جداااا
والرفايع الى هما مبشره ومنخل والحاجات دى
وطبعا طقم الصينى والاركوبال والبيركس اساسى
وياريت تجيبى الاطباق الاستلس بتنفع والله بذات لو هتسافرى لجوزك بعد كدا
وازايز مايه
وماكته الزبادى مهمه برضه
خلاط وكبه لو قدرتى
ولازم فرن لو البوتاجو مش حلو اوى طبس الفرن عملى كتير انا مابطقش المايكروويف
مممممممممم ناقص ايه ياكوكى ناقص ايه ياكوكى
اه طقم الشاى عشان الصباحيه و 3 صوانى تقديم و2 للفطار
و4 اطقم كاسات و4 كوبيات وشوبات وفروته وبومبونيره
بصو انا حاليا مش فاكره حاجه تانى بس عايزه تشجيع عشان اكمل
ودعوه حلوه ان ربنا يثبت حملى ويجعل الى فى بطنى ذكر معافى سليم بدون زياده او نقصان
وطبعا التقييم ياعرايس
كوكى مصطفى كوكى مصطفى فتكات رائعة Fatakat 729629 اسكندريه – مصر