بسم الله الرحمن الرحيم
السلام عليكم و رحمة الله و بركاتة
ازيكم يا احلى فتوكات
انا بصراحة زهقت من كتر ما بقعد افكر حناكل اية بكرة و لازم اغير طبعا
كان عندى لحمة و خضار مشكل قلت حطبخ ما انا طابخة رز مرتين الاسبوع دة و جوزى مش بيحب الخضار و اللحمة بالعيش و مينفعش مكرونة فكرت بالكسكسى و عجبتنى الفكرة و نفذتها و الحمد لله طلعت حلوة و عجبة جوزى قووووووووووى
المهم بقى كفاية رغى اوريكم الاكل الاول و بعدين احكموا
المكونات و الطريقة :
1- طبعا انا عملتة كسكسى جاهز اخدت مقدار كباية كسكسى و حتيط عليها مقدار ماية مغلية بس انا ضيف فى الماية مكعب مرقة خضار خلى طعمة واااو و بعدها ب 5 دقايق حتيطة على نار هادية بمعلقة ذبدة و قلبت بالشوكى لحد لما بقت كل حابة لواحدها بس طعمها اية رهيب (طبقا المقدار دة حسب كل اسرة نصف كباية لكل فرد) و مزودتش ملح لان المكعب فية ملح كتير
2- سلقت اللحم عادى
3- حضرت الخضار قطعت بصلة و حمرتها فى السمنة لحد لما بقى لونها شفاف (مش دهبى علشان متغمقش لون الطبيخ) و بعدين حتيط الخضار بسلة و فاصوليا و جزر و قلبتهم كويس و سيبتهم شوية و بعدين ضفت لهم ماية علشان يتسلقوا فيها و حتيط مكعب مرقة خضار و هديت النار لحد لما طرى و بعدين ضفت عليهم مكعبات بطاطس و سيبتهم كمان شوية و طبعا البطاطس مش بتاخد وقت فى السلق و بعدين حضرت عصير طماطم بفص ثوم و حتة فلفل اخضر صغيرة و حتيطى على الخضار و معلقة صلصة و سبكتة كويس لحد لما تقريبا الصلة قلت خالص
4- حضرت طبق التقديم و حتيط الكسكسى و علية الخضار و بعدين اللحمة المفروض كنت احمر اللحمة بس كنت اتاخرت و لا زم اصحى جوزى يتغدى فطنشت و قدمتها كدة و كانت حلوة بردة و قدمت معاة شوربة اللحمة و الحمد لله اليوم عدى على خير
و دى صورة تانية من قريب
مواضيع هذا القسم برعاية
أم يارا و سارة أم يارا و سارة images/avatars/yellowflower.jpg فتكات رائعة Fatakat 171164 الغردقة – مصر