ازيكم يا احلى فتوكات فى الدنيا كلهااااااااااا انا النهاردة بقا ماما جابت سمك مشوى وقلتلها بس خلى عندك انا بقا اللى هعملك بقيت الاكل النهاردة وطبعا ماما زغرطت لولولولولولولولولىىىىىىىىىىىىىىىىى لانى انا نادرا ما بدخل المطبخ ولو دخلت معملش غير مكرونة وكفتة ههههههههههههههه المهم بقا انا عملت زى البنوتة الشاطرة ودخلت هوباااااااا عالمطبخ
انا رغيت كتير صح معلش هبتدى اهو متزوقيش انتى وهيا كدا الله
بس خليكو زى الشاطرين الاول كدا واطلعو نورولى اللمبات اللى فوق دى عايزاها تلعلع كدا
واللى مش هتقيم هعصرها انزل منها فتاتيك صغيرين ايوا احنا اى كلام ولا اييييه فمتخلونيش اتهور لحسن حد يتعور انا بحزر اهو
يووووووووووووووووووووووه ايه اللك اللى انا فيه ده يلا نبتدى
اكلتنا النهاردة بما انى اسكندرنية وفى اسكندرية يبقا سمك مشوى ورز كشرى اسكندرانى وسلطة زبادى وصلصة بالفلفل
هنبتدى طبعا بالسمك وهو سمك بلطى مشوى وهتجيبى من عند الراجل هو هينضفه ويحشيه ويشويه
ثانيا بقا الرز الكشرى الاسكندرانى هنجيب كوبايتين رز وكوباية عدس اصفر ونغسلهم مع بعض كويس تمام واحنا بنغسلهم نحط 3 كوبايات مية على النار فى حلة ونحط فيها زيت وملح ونغسل الرز ونحطهم عليه ونغطيه
ونفضل نبص عليه لحد الرز مايتشرب المية
بعد كدانوطى عليه النار ونسيبه يستوى
وهنا بعد ما استوى
ثالثا نيجى بقا للصلصة بالفلفل هنجيب 5 او 6 حبات طماطم ونقطعهم ونحطهم فى الخلاط
وبعد كدا نضربهم فى الخلاط
ونكون محضرين توم ومقشريه ومقطعينه منفرمهوش ومقطعين فلفل اخضر
ونجيب طاسة على النار ونحط فيها حبة زيت بس مش كتير ونحط فيهم التوم والفلفل الاخضر ونسيبهم شوية لحد ما يخدو اللون الاصفر
وبعد كدا نحط الصلصة عليهم
ونضيف الملح والكمون ونغطيها ونسيبها تتسبك
وكدا لما اتسبكت لو لقيناها تقيلة اوى ممكن نزودها معلقتين مية خدى بالك عشان دى بتتاكل بالعيش ولو عايزة تحطيها عالرز حطيها
رابعا بقا سلطة الزبادى هنجيب علبة زبادى وانا طبعا بحب الزبادى البلدى ونجيب خيارة بس هناخد نصها وعودين او تلاتة بقدونس
هنبشر نص الخيارة ونقطع القدونس صغير خالص ونحطهم على بعض
وبعد كدا نحط عليهم الزبادى وحبة ملح صغرين خالص عشان الزبادى بتبقا حدقة شوية وحبة فلفل اسود
وكدا نكون خلصنا الرز والصلصة والسلطة
وقولولى رايكم بقا وشجعونى عشان ادخل المطبخ تانى وخطيبى ميقلش عليا خايبة ولا حاجة اصلى مليش غير فى الحلويات بصراحة شجعونى بقاااااااااااااااااااااااااااا مواضيع هذا القسم برعاية
jassmeen jassmeen 635238_2.gif فتكات هايلة Fatakat 635238 الاسكندرية – مصر