يارب تكونوا كلكم يا فتوكات بخير
قبل ما ابدء وصفتى احب اتقدم بخالص الشكر لمشرفتنا القمراية لبنى على المسابقة الاكتر من رائعة جزاك الله كل خير يا حبيبة قلبى نبدء وصفتنا النهاردة بسم الله
اولا :_
صنية سمك الفيلية بحشوة البازلاء والجزر والصلصة البيضاء بالشبت (صوص ابيض بالشبت)
سمك فيلية غسلته كويس بالملح الليمون
تبلت السمك بال (كزبرة خضرة مفرومة ناعم + كزبرة ناشفة + كمون + سماق + ليمون + ملح )
وسبته لتانى يوم
الحشوة
(بصل مكعبات + فلفل اخضر مكعبات + طماطم مكعبات +جزر مبشور +بازلاء +شبت مفروم )
حطية معلقة زيت على النار وشوحت فيها البصل (من غير ما يتغير لونة تدبل بس )
بعدها حطيت البازلاء والجزر وسبتهم حبة وبعدها حطيت الطماطم والفلفل
وبعدها حطيت التوابل نص معلقة صغير من كل (كمون + كزبرة ناشفة + بابركا + ملح + فلفل اسود +سماق )
وسبتهم لحد ما ميتة نشفت
واخر حاجة حطيت الشبت
وسبتها على جنب
هنا بقى حضرت الصوص الابيض بالشبت
حطيت معلقة زيت على النار وبعدها ضفت عليها 3 معالق دقيق وشوية ملح وشوية فلفل اسود وقلبته لمدة دقيقة
وبعدها ضفت كوباية ونص مية (لو فى شروبة سمك نستعملها بدل المية ) مع التقليب لحد ما غلى و تقل وبقى كريمى جميل
فى الغلوة الاخيرة حطيت شبت مفروم ناعم وشلته من على النار (ممكن بدل الشبت يبقى بقدونس او ليمون او بقدونس ليمون او شبت وليمون )
كنت محضرة صنية و غلفتها من جوة بورق فويل ودهنة بالزيت
وحطيت فيها طبقة خفيفة من الصوص الابيض عشان يحمى السمك
وبعدين حطيت السمك المتبل
وبعده حطيت الحشوة اللى حضرنتها من البازلاء والجزر
وبعدها حطيت طبقة سمك تانية
اخر حاجة حطيت باقى الصوص الابيض اللى بالشبت
ولفتها بورق فويل عشان اضمن انه السمك يستوى من غير ما القع يتحرق
ودخلتها الفرن
واول ما بدت تغلى شلت الفويل من عليها عشان انشفها قد ما اقدر
لما استوت طلعتها من الفرن
واااااااااااااو ريحة تجننننننن
اية رايكم شكلها يجنن صح
مواضيع هذا القسم برعاية
vovo2016 vovo2016 260903_8.gif فتكات غالية قوي Fatakat 260903 اسكندرية – فلسطنية مصرية غزوية