السلام عليكم ورحمة الله وبركاته
ازيكم يا فتوكاتي انا النهاردة جايبالكم طريقة واو لعمل الديك الرومي ماما كانت عاملاها في صباحية بنت خالتي وبجد الناس اتجننو عليها
ودلوئتي هبدا اقولكم الطريقة
اول حاجة بنسلق الديك عادي جدا كاننا بنسلق فرخة سلق كامل تمام كدة؟
بعدين بتطلعيه وتدهنيه بصوص كدة بتكوني محضراه
مقادير الصوص
ملعقة معجون طماطم
ملعقة كاتشب
ملعقة زبادي
فنجان قهوة عصير ليمون
ملعقة زيت
ملح وفلفل
(كل دة طبعا على حسب حجم الديك يعني ممكن تكتري لو الديك كبري او تقلي لو الديك صغير دة متوسط المقادير )
وتضربيهم كلهم مع بعض
بعدين تدهني الديك الرومي كله واتاكدي انه اتشرب الصلصة كويس من كل حتة فيه
اخر خطوة بتحطيه في الفرن عشان يتحمر مش مدة معينة يعني بس لحد ما يتحمر الديك كله تفضلي تتابعيه كل شوية
وبالف هنا وشفا
لو عجبكم الوصفة ادعولي يا احلى فتوكاااااات
مواضيع هذا القسم برعاية
zozza_love zozza_love images/avatars/pacifier.jpg سوبر فتكات Fatakat 234434 دبي – الامارات