السلام عليكم و رحمة الله و بركاته
انا بحبكم كلكم و استفدت كتير و علشان كده حبيت انصحكم باللى حصلى
انا من عدة شهور و انا بأشرب شاى اخضر بالنعناع حوالى 3 مرات يوميا و بردقوش 3 مرات المهم
ف رمضان تعبت اوى اوى صداع اول مرة اشوفه ف حياتى و عينى خلااااص من الوجع كانى هاتعمى و العياذ بالله
الصداع قعد يومين و اخد مسكنات لما خلاص كنت هاموت من الالم رحت المستشفى طلع ضغطى 90 على 60
الدكتور قاللى انتى ضغطك بيوطى كده قلتله لا انا ضغطى مضبوط و لما بينزل اوى يبقى 110 على 70 عمره مانزل عن كده!!
المهم رحت كشفت و الدكتورة ادتنى نقط قالتلى لما يجيلك الصداع خدى منها
المهم يا بنات انا كل ده ما كنتش عارفة السبب قلت ده من تعب الصيام..
المهم بطلت البردقوش و الشاى الاخضر لانى تعبانة مش ف دماغى انه السبب!!
بعد العيد بدات اشربه تانى للتخسيس المهم حسيت باعراض الضغط المنخفض تانى و مش مستوعبة خاااالص انه السبب
لحد لما جيت اول الاسبوع ده جبت حبوب "جريبكسون"و هية عبارة عن شاى اخضر مركز و زنك
و الله من اول مرة اخدت كبسولتين لقيت صداع و دوخة و هبوط و ضربات قلبى غير منتظم هية نفس الاعراض للضغط المنخفض و بقالى 4 ايام كل اما اخد الحبوب صدااااع جامد و مش عارفة اقوم من مكانى و هكذا
لحد النهاردة لما تعبت بقى جدا جدا و بقول لا حول و لا قوة الا بالله انا ايه اللى خلى الضغط يلغبط كده !؟
و سبحان الله بدور على النت لقيت ان الشاى الاخضر بيخفض الضغط و ان اللى ضغطها واطى تخلى بالها
و انا بنصحكم ان حتى اللى ضغطها كان معتدل زيى تخلى بالها برده لان ده اللى حصلى انا كان ضغطى معتدل و هوة اللى وطهولى كده (لانى كنت باشربه متواصل لعدة شهور) و اصبحت مريضة بانخفاض الضغط !!
يعنى لازم نعرف ان مش كل حاجة تفيد اى حد
بحبكم فى الله و يارب تكونوا استفدتم من تجربتى
صلاتى نجاتى 1 صلاتى نجاتى 1 images/flowersavatars/avatar0001.jpg فتكات رائعة Fatakat 299917 المدينة الفاضلة – مصر
سبحان الله و بحمده