ازيكم يا بناااااات
انا بجد طلع عينى مع اهلى انا كنت قلتلكم انهم بخلى حبتين
فماما بتعد تقلى اجبلك الحلل الالمونيوم ده مفيش منها اتنيييييين وانا اصوووووت واقلها ياماما السراميك تقلى سراميك يالهوى اللى بندوس عليه ههههههههه وبتدخل المحلات تفضحنى فى الحوار ده احمم
ده غير حوار انها عاوزه تجبلى 6 بانتيهات بس ده بقى اللى فطسنى واللى هما من ال 3 ب 10 دوووووول
والله مش فقرا بس بخلل رهيييييب
واقلها ياماما تقلى جوزك يبقى يجبلك وبالفعل ماشترش هدوم شتوى يابنات وكنت محصوووره
المهم ندخل فى الموضوع بقى الله كنت بفك عن نفسى شويه اطق يعنى
دلوقتى احنا كبنات وبنجهز معظمنا بيشتغل والمعظم الاكثر اعد ف البيت واهله بيتحكمه فى المزانيه احممم
وعشان اعدين ادام النت 24 ساعه فمخنى اتلحس بالحلل والديكورات والكريستلات ونشوف دى نبقى عاوزين زيها وده عاوزين زيه
ونلاقى نفسنا جبنا حجات كتير ملهاش لزمه باعداد كبيره
واللى بيخيب حجات غاليه اوووى مثلا الملايات ال 500 جنيه تجيبى منها ال 12 ملايه ليييييه
عشان الغالى تمنه فيه ؟؟
ولا تجيبى 24 ملايه من اللى ب 100 مثلا لييييييه
يا بنات لا افرااط ولا تفريط زى ما رسولنا الكريم وصانا
لا نجب بافترى ولا نجيب بشح ,, حلوه شح دى يعنى بخل احممم محدش يجبلى سره الموضوع ده هاااا
طيب واحده هتقلى له افترى ليه دول 12 ملايه بس مهم الا12 دول غالللين جدا عارفه ان الغالى تمنه فيه ولكن ليه منوعش ؟؟
نجيب طقم مثلا من الغالى ده او 2 و 5 مثلا سعر متوسط و الباقى من العادى وتكون حجات مميزه
صدقونى يابنااات والله العظم فى حجات كتر رخيصه وشكلها رووعه انا مممكن البس طرحه ب 100 جنيه ويبقى شكلها يقرف ومحدش يصدق انها ب 100
وممكن اجيب واحده ب 10 تكون تحفففه
خلوا عندكم ذكاء فى الشوبينج ودى شويه قواعد انا ماشيه عليها من خبرتى ::
1: اعملى ليست بكل اللى محتجاه قبل ماتنزلى – ظبطى ميزانيك على اللى محتجاه
2:: اعملى حد ادنى وحد اقصى لكل حاجه يعنى مثلا قميص النوم لو عدى ال 100 جنيه لو نطق متشتريهوش مثلااا
3:: متكرريش الوان ولا موديلات
4:: فى حجات اساسيه والوان اساسيه لاااااااازم تكون فى دولاب زى البالطو البوت الشوز الجملى وشنطته بيليق على كللللل اللبس , البانتيهات الفتله اسود واحمر وبيج هيلق على كل القمصان اللى ملهاش بنتيهات وممكن تلبسهم على لبس خروج وتعدى تدلعى
5:نسقى حجات تليق مع اكتر من حاجه
6: اعتمدى الالوان الساسيه فى معظم حجاتك عشان موصتها مبتقدمش وبترح العين وبتليق على كل حاجه ودى قاعده عامه حتى فى الوان شقتك
7:: لما تنزلى تشترى حاجه وحدى مشاويرك عشان متتعبيش يعنى النهارده للهدوم كمان شهرين للستاير كده يعنى
واخيرااا دول اللى فكراهم ربنا يوفقك كلللل البنات وادعولى اهلى يفكوا الحصار الاقتصادى من عليا
وعارفه ان معظمكم هيفضل برده العدد فى اللمون
مومنتى ناتى مومنتى ناتى 1065358_2.gif فتكات نشيطة Fatakat 1065358 بلاد الله واسعة – masr