ازيكم يا فتوكات يا قمرات عاملين اية
يارب دايما تكونو بخير وفى احسن حال
انا انهاردة عملت كنتاكى بطريقة سهلة قوى والصور هتوضح كا حاجة
اولا بتجيبى الفراخ او الدبابيس او الصدور المخلية زى ما انت تفضلى
وبعدين اغسلها كويس واسلقها نصف سلقة مع اضافة الملح والفلفل الابيض والحبهان
ممكن ما تسلقيهاش بس هتاخد وقت فى السوى على النار لكن انا شعارى دايما السرعة فى تحضير الاكل مع الجودة العالية
بعد كدة بانشلها من الشوربة واصفيها كويس واحط عليها خلطة البانية العادية البيض والبهارات وممكن معلقة خل صغيرة
وبعدين احضر طبق فى دقيق وعلية بهارات ورشة ملح خفيف زى كدة
وطبق تانى فية دقيق سائل بيبقى نفس قوام الكيك او اخف شوية بسيطة وطبعا علية بهارات وملح خفيف
وطبق تالت بتحطة فية توست طرى مش ناشف مفروم فى القطاعة ودة الجديد بقى
وبعدين بشيل الفراخ من البيض احطها فى الدقيق بالشكل دة
ومنه للدقيق السائل بالشكل دة
ومنها للتوست المفروم وبتكون دى النتيجة
بكون طبعا مشغلة القلاية من بدرى علشان الزيت يسخن ولو مفيش قلاية تبقى طاصة غويطة شوية
لانها لازم يكون زيتها غزير علشان النتيجة تبقى حلوة ومقرمشة
ودة وهى نص قالية
وبعد كدة كملت قليها ودة شكلها النهائى
ودى صورة من قريب
وكمان عملت تومية بتبقى رائعة
وهى عبارة عن بطاطس مسلوقة مع فصين توم كبار على حسب الطعم اللى بتحبية وبضربهم فى القطاعة
مع المايونيز ومعاهم معلقتين زبادى ومعلقة خل صغيرة ورشة ملح ودة شكلها مع الكتابة عليها بالكاتشب
وممكن طبعا لو مناسبة خاصه مع جوزك عيد جواز مثلا وعاملة عشوة حلوة تكتبى بحبك قوى مثلا
ما علينا خلينا فى موضوعنا
دى بقى صورة للسفرة كاملة
ودى صورة من قريب ويا سلام على القرمشة تجنن
وبالف هنا وشفا
يارب اكون قدمتلكم حاجة حلوة وتعجبكم
تطبيق العضوه عاشقة الصحراء
المشاركة الأصلية كتبت بواسطة عاشقة الصحراء 
اولا طبعا انا سجلت اعجابى بالموضوع قبل كدة ومكدبتش خبر وعملتها النهاردة وطلعت فعلا تحفة وسهلةةةةة جدا جزاكى الله خير حاحاول نزل صور ادعيلى…دية وقت التجهيز وانا مكنش فى ضميرى اصور ولا حاجة بس لما لقيت شكلها جميل من بداية العمايل قلت اصور بئة وافرحك واشكرك ههههههه…
ودية بعد التحمير تحفة وقرمشة عالية وهية كنتاكى كنتاكى يعنى مفيش كلام…
ودة بئة كان نصيب الفرد من الناتج الكنتاكى وعملت معاة رز بسمتى وبطاطس محمرة وتومية بطريقتك برضة واكلنا الحمد لله ودعينالك انا والعيال ههههههه اصل ولادى بيحبوها وانا كنت بعملها بس كانت طريقة مجعلصة جدا فعشان كدة كنت بذلهم على مااعملها
ويارب يعجبك تطبيقى المتواضع …تشكرااااااااااات مواضيع هذا القسم برعاية
fefa2016 fefa2016 images/avatars/dice.gif سوبر فتكات Fatakat 186685 الرياض – السعودية