ازيكم يا فتوكات ده اول موضوع ليا فى المطبخ فاسمحولى اعزمكم انهارده على كبد جملى ايه رايكم طبعا ناس كتير متعرفهاش لان معظمنا بيجيب العجالى بس الى هتجرب الجملى بقى تحفه انا شخصيا بموت فيها طعمها يجنن وفيها كميه حديد كبيره جدا وكفايه ان الجمل لحمه كله نضيف لان طبعا الجمل لو تعب بيموت مش زى بقيت الحيوانات نصيحه بقى علشان تجيبى الكبده الجملى حاولى تجبيها من جزار ثقه واكدى عليه انها لازم تكون صغيره اوى علشان طعمها يبقى احلى ولوعاوزه تعرفى انها صغيره لونها يبقى فاتح شويه مش غامق المهم رغيت كتير اقولكم بقى بتتعمل ازاى انتى طبعا بتجيبى الكميه الى على اد الاسره يعنى مثلا لو انتى وجوزك بس هاتى نص كيلو هتغسليها كويس وبعدين هتجيبى الطاسه الى بتقلى فيها وهتحطى فيها شويه زيت صغيرين مش كتير اوى وبعدين تحطى الكبده مش الكميه كلها اقسميها على اتنين او تلاته وقلبيها جامد لمده 3 او 4 دقايق بالكتير وشليها حطى عليها ملح وفلفل اسمر واستمعى باحلى طعم المفروض متسبيهاش كتير على النار لانه لو سبتيها هتجلد وهيبقى طعمها وحش وهتبوظ بمجرد ما تقلبيها ولونها يتغير شليها على طول وطبعا لو مثلا انتى هتاكلى وبعدك حد هيجى ياكل بعدها بساعه مثلا متعمليش الكميه كلها اعملى هلى ادك بس لانها المفروض تتاكل سخنه او ما تتعمل علشان متجلدش وتبوظ ويا سلام بقى لو جنبه سلطه خضرا وسلطه طحينه ومكرونه بتبقى تحفه اسيبكم بقى مع الكبده وادعولى مواضيع هذا القسم برعاية جنى السكرة جنى السكرة images/flowersavatars/avatar0015.jpg فتكات ست الكل Fatakat 202820 مدينة الحب مع اغلى ما ليا جوزى وبنتى – ام الدنيا مصر
