السلام عليكم و رحمة الله و بركاته
صباح الخير حبيباتي
بصو انا كنت عاملة صدور دجاج بالباربيكيو صوص والمسطردة و طلع جميل الحمدلله المهم يعني اتاكل نص الصدور و فضل تقريبا 3 كبار و شلتهم فالتلاجة من وقتها لان انبوبتي كانت خلصانة ومطبختش..
طبعا كده هما مينفعوش يتاكلو غدا لان جوزي ما شاء الله مش هيشبع و كمان انا كنت عاملة جنبهم حااجات و خلصو او اتكبو فانا عايزة اشوف ممكن اعمل بيهم ايه؟؟
ينفع يتحولو لشاورما مثلا؟؟ اصل اكيد لو هطبخ تاني مش هينفع احطهم مع الدجاج الجديد و كمان انا حرمت ارمي نعمة ربنا بسبب فيديوهات المجاعات و الفقر اللي بشوفها خايفة ربنا يزول نعمته عليا فبقيت بواقي الاكل يا اني بدي لحد بس حاليا مفيش حد قدامي اصلا و كمان بيني و بينكم هما شوية ميشبعوش يعني حد كبير ا او اني بدي القطط بس طبعا الصوص سبايسي سنة و اخاف يموتو فقوليلي ممكن استخدمهم في ايه حبيباتي..
و ياريت يا بنات ارجوكم بواقي الاكل محدش يرمي بواقي الاكل لو كتار مثلا جمعوهم في طبق فويل حلو كده و ادو للمحتاج او لو الاكل منعكش ومش يكفي ادو للقطط و الكلاب في الشارع مساكين مش بيلاقو و في ميزان حسناتكم يارب..
شكرا جزاكن الله خير مواضيع هذا القسم برعاية
eng.noor eng.noor 578391_1.gif سوبر فتكات Fatakat 578391 kuwait – kuwait