السلام عليكم يا احلي اخوات
انا هدخل في الموضوع علي طول
انا تعبانه اوي من شكلي كل اللي يشوفني يقولي انتي لازم تتخني شكلك ليه كده .وفعلا كنت اتخن من دلوقتي 10 كيلو جرام تخنتهم زمان كنت باخد فاتح شهيه بس اتمنع من الصيدليات وكان شكلي حلو بس خسيتهم لما بابا اتوفي ونفسي اتسدت عن الاكل خالص وانا اصلا مبحبش اكل من الاول وشهيتي مقفوله بس اقفلت اكتر بعد بابا.
زهقت اوي من شكلي ومفيش لبس بقي بيليق عليا ودايما وشهي بهتان وفعلا جسمي قل اوي ومفيش هدوم بتيجي مقاسي وبيقولولي ادخلي محل اطفال وكلهم بقوا بيتريقوا عليا حتي ماما واخواتي واخت جوزي دايما تبصلي بصات وتضحك ولما تجيب اي حاجه لنفسها تقولي دي مش هتليق عليكي علشان انتي معندكيش جسم
وجوزي كمان ابتدي يعلق
انا عايزه اتخن بس اكل حاجات تتخن بس مش كميات كبيره لان طول عمري اكلي قليل. عايزه حد يقولي برنامج امشي عليه بس يكون بيجيب نتيجه كويسه ربنا يكرمكم.واخو جوزي فرحه بعد شهر واسبوع وعايزه يكون شكلي كويس وسطهم انا دلوقتي 44بس طولي 165 .
بالله عليكم ساعدوني انشالله اتخن 5 كيلو بس اهو اي حاجه تخلي شكلي كويس في اللبس
اللي تخنت او تعرف برنامج تقولي عليه وربنا يجازيها خير في صحتها وبيتها
لاب توب وموبايل وستريتنر لاب توب وموبايل وستريتنر فتكات نشيطة Fatakat 1175275 القاهره – القاهره