تنقص وزنك بالنصائح السهلة والسريعة دى من يلافورما
أشرب مية طول اليوم: أشرب يا فورما مية بدل العصير أو الصودا علشان ما تزودش الكالوريز أكتر.
قلل الأكل شوية فى وجباتك: لو أنت قللت من أكلك فى كل وجبه أنت بتأكلها، وبكده حتقلل من الكالوريز يومياً.
اتفرج ساعة اقل على التليفزيون: وجدت دراسة أنك كل ما بتتفرج على التليفزيون كل ما أنت حتأكل أكتر، بدل ما تعمل كده اتمشى احسن حتى بالمرة تحرق دهون كمان بدل ما تزودهم ولا ايه يا فورما؟
كُل موزة أو تفاح أو نعناع اول ما تحس بالجوع: علشان تسد جوعك يا فورما.
اطلع وأنزل السلم: اظهرت الدراسات أن أنت لو عملت كده حتنقص وزنك بمقدار 4 كيلو فى السنة.
أمشى 45 دقيقة فى اليوم علشان تنقص وزنك وتحرق الدهون: المشى لمده 30 دقيقة حيمنع زياده الوزن، حتلاقى نتيجة لو أتمرنت اكتر من 30 دقيقة بمعنى حتخس أكتر وتحرق دهون، ممكن تحرق اكتر من 300 كالوريز فى اليوم مع 3 اميال (45 دقيقة مشى) ممكن يساعدك أنك تخسر 12 كيلو فى السنة من غير ما تغير روتين اكلك.
كُل ببطء: لو أنت أكلت ببطء، وبكده تدى فرصة للعقل علشان يقولك أن أنت خلاص شبعت.
بطل تأكل بالليل: الموضوع ده ممكن يوفرلك 300 كالوريز أو اكتر فى اليوم أو 12 كيلو فى السنة.
مش فى مقولة بنقولها اتعشى واتمشى بس احنا حنعكسها اتمشى واتعشى علشان تقلل من الكالوريز وجوعك: اظهرت الدراسة ان 20 دقيقة مشى بتقلل من الجوع وتزود من احساسك بالشبع كمان.
غير اماكن خروجاتك: بدل ما تروح للسينما ممكن تجرب تتمشى أو تركب عجل أو تاعب ماتش تنس.
كُل معظم أكلك فى البيت: ممكن تأكل أكتر لو أنت بتأكل برة من لما تأكل فى البيت.
أطلب اصغر حجم: لو أنت برة وعايز تأكل ممكن تطلب الحجم صغير زى اصغر ساندوتش، فشار صغير، وهامبورجر صغير.
كُل أكل غنى بالمية: وجد البحث، أنك لما تأكل أكل غنى بالمية زى كوسة والطماطم والخيار اثناء الوجبة علشان تقلل من الكالوريز وما تأكلش كتير.
كُل خضار: ممكن تحط الخضروات دى مع وجباتك زى البروكلى والجزر والطماطم، لو أنت بتأكل خضروات، اللى بتحتوى على الألياف ويساعدك أنك تشبع بسرعة.
ابعد عن الأكل اللى لونه أبيض: كميات كبيرة من الكربوهيدرات البسيطة من الدقيق الأبيض والسكر الأبيض حيأدى لزيادة للوزن، ممكن تبدل السكر بالعسل، الزر الأبيض والدقيق الأبيض بالعيش كامل الحبوب ورز بنى.
اشرب قهوة عادية: كوباية من قهوة عادية مع لبن خالى الدسم (اللى غنى بالكالسيوم ودهون بتاعته قليله) بيكون بيحتوى على كالوريز قليلة.
كُل حبوب أو شوفان للفطار: وجدت الدراسات ان الناس اللى بيأكلوا حبوب للفطار كل يوم اقل عرضة للسمنة وأصابة بمرض السكرى من الناس اللى مش بيأكلوا، كمان بيحتوى على ألياف وكالسيوم اكتر ودهون اقل.
بدل صوص الكريمة بصوص الحار: الصوص الحار بيمدك بطعم ومن غير دهون وكالوريز قليله زائد بيزود عملية الهضم وبيخلى الجسم بيحرق كالوريز أكتر.
كُل فاكهه بدل ما تشربهم عصير: الأكل الكامل يخليك شبعان اكتر بكتير من العصائر وبكده حتأكل أقل.
بدل اللبن الكامل الدسم بلبن خالى الدسم: أول ما تدرب نفسك على الاستمتاع بطعم اللبن الخالى الدسم، ممكن تقلل كالوريز والدهون للنص من اللبن الكامل الدسم.
سناك من المكسرات: وجدت الدراسات أن الناس اللى عندهم سمنة واللى كمان بيأكلوا دهون معتدلة فى الدايت بتاعهم زى اللوز بيخسوا اكتر من الناس اللى مش بيأكلوا مكسرات، ممكن تأكل السناكس مرة أو مرتين فى اليوم علشان يساعدك انك ما تجعوش ويخلي معدل حرق الدهون شغال.
خلى الكالوريز الكتير الصبح بس: وجدت الدراسات أنك لما تأكل كويس جداً على الفطار مش حتجوع بالليل وكده كده اى أكل أنت بتاكله الصبح حتحرق بسرعة.
اغسل اسنانك بعد كل وجبة: لما تغسل اسنانك بتدى اشارة لمخك أن وقت الأكل خلص.
يارب النصائح دي تفيد الاخوة .. فى انتظار ردودكم و رأيكم
مروة.يلافورما مروة.يلافورما images/avatars/peppers.jpg فتكات جديدة Fatakat 1244386 القاهرة – مصر