أزيكم يا فتاتيك
أخواتى العزيزات مين فيكم حظها وقعها فى دكتور نص كم
أنا حصلت فيه حوالى ثلاث مرات وأخرهم من يومين
صلوا على النبى
أنا كانت عندى نزلة برد هتموتنى
وكنت بعيط من الألم اللى ماسك جسمى كله المهم جوزى جزاه الله خيرا قاللى لازم أوديكى لدكتور خد أجازة من شغله وسألنى أيه اللى تاعبك علشان أحجز التخصص قولتله ألم فى عظمى كله وأسنانى هتقع منى ومش عارفة أخد نفسى والجيوب الأنفية هتموتنى وزورى والضغط واطى هيغمى عليه و ….قاللى بس كفاية هو لسة فى حاجة تانى ……………….؟ هههههههههههههههه
قاللى خلاص أنا هحجزلك عند أخصائى باطنة وصدر وهو بيبقى بتاع كله
قلت أى د. وخلاص
المهم رحنا للدكتور وعينك ماتشوف الا النور
قاللى أسمك وعندك كام سنة
جاوبته
قاللى : بتشتكى من أيه
قولتله: مش قادرة أخد نفسى
حط السماعة على رقبتى
وقاللى أعمليلى رسم قلب
طبعا أنا وجوزى عملنا كده
قولتله ليه ؟؟؟؟
قاللى: لازم نطمن
ولو مافيهوش حاجة أحنا مش خسرانين شئ
عايزة أقول له صح أنت كده كده كسبان جوزى اللى هيخسر 50 جنيه بحالهم
ما علينا تفضل زوجى مشكورا ودفع المبلغ بنفس راضية علشان يطمن عليه
وطلعت النتيجة كويسة والحمد لله ومانابنيش غير الرعب والقلق وان ضغطى نزل أكتر
قال كدة أطمننا على القلب أعمليلى بقى التحاليل دى
ليه تانى؟؟؟؟؟؟
قاللى دى تحاليل دهون
وعلى العلم أنا وزنى طبيعى وحالتى الصحية كويسة والحمد لله وكل الناس عندها دهون على الكبد والكوليستيرول عالى
قولتله يادكتور دى نزلة برد والتعب اللى عندى بسببها أكتبلى علاج ليها يعنى هفضل تعبانة
ووضيق النفس بسبب البرد والدوخة من الأجهاد وعدم الراحة لان معايا أطفال
يعنى حتى العيا مش عارفة أخد حقى فيه
وتصدقوا قولتله قسللى الضغط والله مافكر يكلف خاطره ويفتح حتى الجهاز
المهم خرجنا وجوزى قاللى بينا عى المعمل أعملك التحاليل
قولتله والله ما اعمل حاجة ده دكتور حمار
أنا لو محتاجة تحاليل أكيد هحتاج صورة دم كاملة وكفاية كمان الهيموجلوبين بس
ودخلت صيدلية قست الضغط لاقيته ماتقراش أصلا لأنه منخفض جدا وكان المفروض يتعلقلى محلول ملحى
وعالجت نفسى بأنى خليت جوزى جابلى شيبسى بالشطة والليمون ومخلل وكالتهم فى العربية واحنا مروحين واشتريت
مسكن ومضاد حيوى وهلام للأنف وكبسول مسكن للجيوب الأنفية
وروحنا البيت وخدت العلاج مع كوباية ليمون دافى وبقيت زى القرد
نفسى اروح الاستشارة علشان اهزقه
بس كل شوية بقول حسبى الله ونعم الوكيل واللى يضحك فى الموضوع أنه بيقول لجوزى الناس بتتخم فيا علشان شعرى الأبيض وفاكرنى راجل كوبرة واستاذ
بالزمة مش دى حاجة تكسف لما بقى ده مستوى أطباء مصر
نص كلامك كدب نص كلامك كدب 566254_1.gif فتكات متميزة Fatakat 566254 القاهرة – جمهورية مصر العربية
سبحان الله و بحمده