السلام عليكم
يا بنات الحمد لله انا حامل في السابع
سبق ليا الولادة المبكرة في آخر الخامس وما كملش
وبعدين حصلي سقط
وده الحمل الثالث ليا بعد عملية ربط عنق الرحم
مشكلتي دلوقتي اني امبارح روحت لدكتوري وقالي بطني متحجرة وفي انقباضات في الرحم شديدة وخايف اوي عليا بعيد الشر عني وعنكم من انفجار الرحم بسبب عملية الربط اللي عملتها عشان يكمل الحمل
وطلب مني عمل 8 انواع من التحاليل في زيارتي ليه بعد اسبوعين التحاليل شاملة السكر ووظائف الكبد والكلى والسكر في الدم والانيميا والبول … الخ
وطلب مني آخد 6 حقن كورتيزون اسمها Dexamethasone على يومين
ولبوس Monicure للالتهابات
وحديد كبسولة كل يوم بعد الغدا
ونص قرص يخفف الانقباضات 4 مرات في اليوم اسمه Gynipral
ومثبت عبارة عن قرص كل 8 ساعات اسمه Duphaston
انا مشكلتي يا بنات ان صحتي ما تستحملش والله كل ده
وزني 45 كيلو رفيعة اوي ومش باكل بطبيعتي لا قبل الحمل ولا في الحمل
حاسة اني ها اموت من العلاج وحاسة بكآبة شديدة وببكي ومش ببطل تفكير في اعوذ بالله انفجار الرحم
ها تقولولي ارتاحي ها اقولكم ما اعرفش انا في غربة اهلي في بلد وانا في بلد ما فيش جمبي غير ربنا
يعني شغل البيت انا اللي بعمله مواعين وتنظيف وطبخ …الخ
اهل جوزي جمبي لكن ربنا ما يحوجني لحد فيهم ولا لغيرهم يارب
ها تقولولي امسكي المصحف واقرأي فيهم ها اقولكم الحمد لله انا لسه خاتماه من ايام هوا لولا اني باصلي وبقرأ القرآن كان زماني في خبر كان
مش مرتاحة خالص لا مع جوزي ولا مع أهله والحمل كمل عليا مش عارفه أعمل ايه؟؟
لدرجة اني والله بدأت اهيئ نفسي لخبر اعوذ بالله موت الجنين واهيئ نفسي للاستعداد ليه واني ما ازعلش هوا جوزي لو مريحني ولو ليه اهل يخافوا من ربنا ما كنش ده حالي
استغفر الله واتوب إليه ولا حول ولا قوة الا بالله العلي العظيم
cartoon cartoon 588317_1.gif فتكات متميزة Fatakat 588317 cairo – cairo