السلام عليكم
للأسف دكاترة التخاطب تحولوا من ملائكة الرحمة الى مكاتب تجارية
الكشف ب … والجلسة ب …..
ومفيش حد منهم تروحيله الا لما يحسسك ان ابنك او بنتك فى خطر
وانا بعد ما اتخدعت من كتير منهم تعبت جداااااااااا جدااااااااااااا
وروحت لأكبر اطباء وللأسف اكتشفت انهم أكبر أطباء فى الاستغلال
وبلاش نقول اسماء عشان محدش يزعل …..
المهم ان مشكلة تأخر الكلام عند الاطفال مش كلها عند أطباء التخاطب
لأن الاطفال مش بتستجيب للجلسات معاهم الا بعد 3.5 سنة على الاقل
وقبل كدة الطفل بيكون محتاج يروح لطبيب نفسى أولا وعلاجه عنده
لانه بيديله منشط للمخ وللذاكرة وانا عملت موضوعين عن الكلام دة
وأهم حاجة عايزة اقولكم عليها
ان الطفل اللى بيبدأ يقول حروف او كلمات غلط جدا جدا اننا نعيد وراه
ولازم نهمله ومش نعيد اللى بينطقه لان الطفل بيتكسف
وحاجة تانية مهمة جدا جدا
الناس اللى اولادها محبوسة ومش بتشوف اطفال
خرجى ابنك وفسحيه وخليه ينطلق ودة علاج مجرب والله
وكمان الطفل المحبوس مش بيشوف اطفال فى مثل عمره بيتكلموا
طيب هيتكلم ازاى وهو مش عارف انه المفروض يتكلم
الحضانة مفيدة جدا جدا عشان كدة
وبتوع التخاطب للأسف معظمهم تجار
koka cairo koka cairo 411981_1.gif ممنوعة من المشاركة Fatakat 411981 القاهرة – مصر