أهلا بأحلى عرايس في الدنيا أنا جايبالكوا النهارده أحسن ميك أب أرتست في مصر
بس ملحوظه أسعار الناس دي من أول 1500 و أنتي طالعه
معلش عشان مشهورين وشغلهم نظييف أوي والغالي تمنه فيه
ملحوظه:
أهم حاجه الميكب أدفعي فيه دم قلبك لأن لو طلع وحش خلاااااااص كده .. والصور هتطلع وحشه
والفيديو ودي الذكرى إلي بنحتفظ بيها طووول العمر أنا عن نفسي هحوش عشان أجيب حد فيهم
أولا:
نبتدي بالكينج ههههههه علاء التونسي الغني عن التعريف سعره 2500 لو هتروحي المركز بتاعه في249 شارع السودان عند ميدان لبنان..لو هيجيلك هياخد 5000
ودي صوره الميكب بتاعهhttps://files2.fatakat.com/2016/7/13424123507949.jpg
والميكب أرتست التانيه أسمها: ملك أحمد
هي من أسكندريه وأسألوا البنات الأسكندريات عنها وعن شغلها تحفففففففه و بتستخدم ماركات غاليه أوي زي ماكس فاكتور و كارولينا هي بتاخد 1500 لو إنتي من أليكس لو من القاهره بتاخد 2024 بس بجد
ودي صوره شغلها
https://files2.fatakat.com/2016/7/13424129307537.jpg
ثالثا : ماكيره أسمها زينه النجار:
ودي الميكب بتاعها حلو ومش تقيل يعني ميكياجها تحفه وفي نفس الوقت بسيط ميزتها أنها بتبين الجمال الطبيعي للعروسه و بتخفي أي عيوب في الوش يعني مثلا لو دقنك طويله مش بتبينها لو مناخيرك كبيره بتصغرها لو عندك نمش أو حبوب مش بتبينها ودي للعرايس إلي بتحب تكون سينبل .
وأسعارها 2024 أو 2500 مش فاكره والله هي في الحدود دي
ودي صوره من صور شغلها
https://files2.fatakat.com/2016/7/13424136803186.jpg
رابعا : ماكييره أسمها شيماء القاضي :
هي عملتلي ميكب في خطوبتي و طلعت تحفه
الأسعار الجديده للماكييره شيماء القاضي :
خطوبه : باكدج الخطوبه 700
باكيدج الزفاف 1200
الباكيدج عبارة عن ((ميك اب وتركيب رموش- ولف طرحة -ووش وحواجب-وتركيب اظافر ورسمها-وتنظيف بشرة قبل الميك اب)
ودي صوره من شغلها
https://files2.fatakat.com/2016/7/13424146225883.jpg
ودي صوره قبل وبعد الأختلاف كبييييييير
https://files2.fatakat.com/2016/7/13424148682773.jpg
خامسا : الماكييره أميره الزاهد
أنا صحبتي عملت عندها من سنتين و كانت ب 1500 معرفش دولوقتي بكام هي الكوافير بتاعها في شارع سوريا والسعر ده كان شامل تنظيف بشره بس مكياجها ثاااابت جدا يعني مهما سحتي مش هحيصلو حاجه أنا صاحبتي من أول مادخلت القاعه لحد ما خرجت والمكياج زي ماهو
و عنوانها 2 شارع الرياض متفرع من سوريا المهندسين
ودي صوره من شغلها:
https://files2.fatakat.com/2016/7/13424161177811.jpg
ملحوظه تانيه :المكياج ده حظوظ يعني إيه ؟
يعني ممكن تروحي عند واحده رخيصه أو مش معروفه وتطلعي حلو
أو ممكن تروحي عند حد غالي وتطلعي وحشه
إنتي و حظك
بس أنا حبيت أجبلكم الناس المضمونين
أنا كنت عايزه أحط أراقمهم بس ماعرفش الأداره هتوافق ولا لأه
عموما إلي عايزه رقم حد تبعتلي على الخاص
بليييييييز يا فتوكات أدعولي أنا وخطيبي نتجوز بقى ههههههه
وماتنسووووووووووش
التقييم
الأسعار المكتوبه ممكن تكون زادت أو ممكن تكون زي ماهي .. لأن الناس ساعات بتغلي وأسعار الشهر ده غير بعد شهريين
mero art mero art 600176_4.gif فتكات رائعة Fatakat 600176 جيزه – مصر