السلام عليكم أيها الفتوكات الفاتنات
انتوا عارفين بقى الصيف قرب ولازم نخس شوية علشان لبس الصيف بيفضح
أنا رحت للدكتور بتاعي اللى متابعه معاه وعلى فكرة هو دكتور كويس جدا فاهم وما بيستخدمش أي أدوية خالص
هو بيستخدم نظام الدايت والإبر الصينية والأجهزة وجاب معايا نتيجة مذهلة جدا
تصوروا خسيت خمسة كيلو في أول أسبوع فقط
وبنظام جديد تماما وسهل وبيعتمد على العصائر مع نظام الهرم الغذائي
وكمان عنده جهاز جديد اسمه cavitation بيخسس من المقاس 2 سم كل جلسة جاب معايا لغاية دلوقتي 4 سم في جلستين اتنين
أنا مبسوطة أوي علشان قررت أقول لكل الفتوكات على النظام علشان اللي عاوزه تخس تعمله
أه وعلى فكرة
وبعدين هو كمان بيجي في قناة الصحة والجمال كل يوم ثلاثاء الساعة 12.45ظ تابعوه بقى وقولولي
النظام كالتالي
قبل الفطار يوميا
تناول عصير الحرق ( وهو عبارة عن ثمرة تفاح أصفر + ثمرة جزر + 2 عود كرفس + ملعقة جنزبيل ويتم ضربهم في الخلاط وشرب كوب قبل الفطار مباشرة ) (والوصفة دي بترفع الحرق جدا طول اليوم زي ما الدكتور قالي )
الفطار
من اليوم الأول حتى اليوم السابع
نصف رغيف بلدي + 6 ملاعق فول بالليمون وزيت الزيتون أو قطعة جبنة قريش بالطماطم وزيت الزيتون والزعتر + أي خضروات بشرط تكون داكنة الخضار مثل الخص والفلفل الأخضر والجرجير
بعد الفطار بساعتين
ثمرة تفاح أخضر أو طبق بطيخ صغير
قبل الغذاء مباشرة
تناول عصير التنحيف ( وهو عبارة عن ثمرة طماطم + ثمرة تفاح أحمر + ثمرتين فراولة + ملعقة روزماري ويتم ضربهم في الخلاط وشرب كوب قبل الغداء ) ( والوصفة دي فائدتها منع إمتصاص الدهون زي م الدكتور قالي برضه )
الغذاء
الأيام من الأول حتى الرابع
رغيف عيش بلدي + طبق سلطة كبير
ربع فرخة شاورمة بالبصل والخضار والفلفل والطماطم وأي إضافات خضراء أخرى تفضلينها مثل الشبت والبقدونس والكرفس ومضاف عليها ملعقة جنزبيل
أو قطعة لحمة مشوية + طبق كوسة سوتيه
الأيام الخامس والسادس
ستة ملاعق أرز بسمتي + طبق سلطة كبير
2 سمكة مشوية أو
سلطة تونة وهي عبارة عن ( علية تونة بعد ما تصفيها من الزيت وضيفي عليها بصل وطماطم وفلفل بأي كمية )
اليوم السابع
بيتزا منزلي ( عبارة عن عجينة البيتزا وعليها لحمة مفرومة بالطماطم والبصل والفلفل وحبيتين زيتون أخضر )
قبل العشاء
وصفة مضاعفة الحرق (وهي عبارة عن كوب زبادي بدون وش + ملعقة زعتر وتضرب في الخلاط في نصف كوب ماء وتشرب قبل العشاء )
العشاء
من اليوم الأول حتى اليوم السابع
طبق فيشار صغير بملعقة زيت زيتون وبهارات بدون ملح
أو ثمرتين فاكهة + كوب لبن رايب منزوع الدسم
وجربوا وادعولي بقى ده نظام رائع جدا وبيجيب نتائج فورية وما بحسش فيه بالجوع ولا الزهق
memo2262017 memo2262017 ممنوعة من المشاركة Fatakat 310244 6 أكتوبر – مصر
سبحان الله و بحمده