السلام عليكم ورحمة الله وبركاته
إزيكم يافتوكات
أنا الحمد لله رزقت بهاجر من ثلاث أسابيع
عندى بعض الأسئلة
أولا أنا بنتى الحمد لله بتنام كويس لكن دايما بتمص فى صوابعها بتحسسنى إنى مش بأكلها خالص ودا بيكون بعد الرضاعة وقبلها ودايما فاتحة بقها عاوزوة تاكل أى حاجة مش عارفه أنا لبنى مش بيشبعها ولا إيه هيه ممكن ترضع كتير حتى وهيه نايمة فأنا بشيل الحلمة من فمها علشان تنام وعلى فكرة وزنها الان 3كيلو ونص ياترى دا طبيعى ولا لا
ثانيا إيه أهم الأكلات اللى تدر اللبن
ثالثا ياترى كل لما أجر أرضع أغسل الثدى _إزاى أضمن دايما نظافته وتعقيمة
رابعا أنا عندى حلمة دايما بتألمنى وبتتعور من الرضاعه أعمل إيه
خامسا ياترى التاتينا كويسة ولا لا
سادسا ياترى أشرها ماء ولا لا وأشربها كراويه وبيبى درينك ولا لا لانى سمعت ناس تؤيد واخرى تعترض
أخيرا انا بضع كافوله فى البامبرز علشان أقلل من إستخدام البامبرز وأغيرها وأحط كافوله تانية فبستخدم مثلا 2 بامبرز فى اليوم
حد جرب حاجة زى كدا وياترى سببت تسلخات وإزاى أتجنب التسلخات ولو حد عنده أى نصايح أو تجارب ياريت يفدنى بيها
وجزاكم الله خيرا
حفيدة أم حبيبه حفيدة أم حبيبه فتكات متميزة Fatakat 147919 المنصورة – مصر