بسم الله الرحمن الرحيم
بناء علي رغبة فتوكات كتير حبايبي قرررت اني اعمل ثاني مشاركة ليه في منتدي الطبخ بعد نجاح الطبق الاول اللي هو أرز كنتاكي المبهر بس الريزو ده انا معملتيش عليه البوب كورن ولا صوص الباربكيو لاني مش بحبهم بس بعمله بطريقتي اللي بحبها وانا هكتب ليكوا الطريقتين للي عايز يجربهم ويارب تعجبكوا
المقادير
1-كوبين ارز بسمتي او ارز مصري بس انا بصراحة بحب البسمتي بحسه اخف اهم حاجة يكون منقوع لمدة نصف ساعة.
2-بصلة متوسطة وفصين ثوم .
3-مكعبين مرقة دجاج.
4-ليمونتين مجفافتين علي حسب حجم اليمونة لو كبيرة يبقي كفاية واحدة واهم حاجة نغسلها بالماء كويس..
5-ثلاث ملا عق كاتشب وبفضل يكون هاينز.
6-ملعقة كبيرة صويا صوص الغامق مش الفاتح لانه بيكون الغامق مسكرشوية مش مالح قوي زي الفاتح.
7-كوبين ونصف كوب ماء مغلي.
8-رشة قرفة صغيرة
9-ملعقة زيت ومعلقة سمنة.
الطريقة
1-نضع ملعقة الزيت والسمنة ثم نضع البصلة المفرومة هي والثوم ونشوحهم لحد مايبقي البصل يبقي لونه شفاف
2-نضع مكعبات مرقة الدجاج بس نفتتهم واحنا بنحطهم بايدينا ونشوحهم مع البصل والثوم لمدة دقيقة علشان ابراز النكهة
3-نضع الكاتشب والصويا صوص والليمون المجفف بس نفتح اليمون المجفف قبل ما نحطه ورشه القرفة مع التقليب المستمر علشان ميتحرقوش منك
4-نصفي الارز المنقوع ونحطه علي توابلنا الجميلة ديه ونقلبهم كلهم مع بعض علشان بشرب من نكهه التوابل كلها .
5-وبعدين نضع الماء المغلي عليهم ونتركهم لحد مايستوي .
ملحوظة مهمة
**الارز الريزو اساسا بيتعمل من الارز المصري لانه فيه نشا كتير هي اللي بتخليه STICKYواذا طلع معاكي زي المعجن شوية يبقي انتي نجحتي فيه متقلقيش
**بالنسبة ليه انابحب بسمتي لانه مش ببيكون STIKYوفي نفس الوقت بيكون شارب من النكهات كلها بس ده رأي انا وعلشان كده كل واحدة حرة تعمل اللي بيريحها وانا بحب احط عليه كبده الفراخ مستويه بطريقة سهلة جداوهي انك تسلقيها مع بصلة صغيرة وثوم مفرومين وفلفل الوان احمر واخضر واصفرمقطعين صغير ورشة قرفة علشان تشيل الزفرة اللي موجودة في الكبدةوقرب ماتستوي الكبدة بجيب نصف ليمونة بقشرها واغسلها كويس وقطعها حلقات واحطها مع الكبدة وبس كدة بتطلع جميلة اوي بحبها مع الريزو ديه بقي الاضافة بتعتي
اما اللي بتكون موجودة علي الريزو في كنتاكي .
**البوب كورن والتتبيله اللى هاكتبها تنفع لتتبيله البانية بربع كيلو بانية مقطعة صغير و يتبل كالاتى ماء بصل و ملعقة عسل نحل مع عصير الليمون و نضعها فى دقيق و بيضة ثم بقسماط و تحمر.
**انا بعمل صوص الباربكيو ازى اولا ثلاث ملاعق كبيرة كاتشب هاينزوملعقة صغيرة صويا صوص الفاتح وملعقة كيبيرة صوص باربيكو من هاينز ونضيف ملعقة صغيرة بصل بودر ورشة صغيرة ثوم بورد و يوضع شويه ماء صغير و كل ده على النار عشان يبقى صوص سايل مش تقيل وبعدين نحمر فراخ البوب كرن و نضع عليها قليل من الصوصيارب تعجبك وارجو منكو التقييم يا حبيبي مواضيع هذا القسم برعاية
Roga2016 Roga2016 فتكات حبوبة Fatakat 621882 cairo – egypt