بسم الله الرحمن الرحيم
السلام عليكم ورحمة الله وبركاته
صباح / مساء الفل عليكوا يا فتاتيك
أنا بقى بقالى فترة نفسي آكل بانيه .. نزلت جبت صدور بانيه و تعالوا أقولكوا عملتها ازاى
أول حاجة غسلتها كويس و حطيتها ف الخلطة دي
بصل مفروم وتصفيه تاخدي ميته بس وعصير طماطم متصفى وخل ملح وفلفل
وتوابل ( حبهان ولورا مطحونين ) و زعتر و علبة زبادي
و سيبتها 3 ساعات منقوعة و بعدين طلعتها صفيتها
و جبت دقيق وحطيت عليه ملح وفلفل ( بس ما تكتريش الملح عشان ما تبقاش حادقة)
و تبلت الفراخ كلها بالدقيق و حطيتها ف الفريزر ساعة ( بس للأسف الصورة إتمسحت )
و بعد ما طلعتها م الفريزر تبلتها بالبيض و البقسماط
و قليتهم ف الزيت و قليت بطاطس شيبسي كمان
و دي كانت النتيجة ريحتها تحفة وطعمها جميل جدااااااااااا
و عملت سلطة مسكرة ( جزر – كرنب – مايونيز – خل – معلقة كبيرة سكر – ذرة ملح – ذرة فلفل )
و عملت معاها مكرونة بالصلصة والجبنه بس ما صورتهاش عشان أكيد بتعرفوا تعملوا مكرونة هههههههههههه
أصل بصراحة انا كنت جعانة أوووووووى و ما صدقت خلصت عشان آكل بقى
و دلوقتى اللي جعانة تيجي تاكل انا كلت الحمدلله و بشرب الشاي
واللى مش جعانة تيجي تشرب الشاي معايا
يارب تكون عجبتكوا :: و تجربوها و تدعولي يا حلوين
مواضيع هذا القسم برعاية
مشمشة كوكو مشمشة كوكو 365962_1.gif فتكات رائعة Fatakat 365962 مركز بدر – مصر