مساء الخير يا أحلى الفتوكات
إن شاء الله تكونوا بالف خير يا قمــرات
ودايماً منورين مدونة فتكات
كل عام وإنتم بخير يا قمرات فتكااااات
بمناسبة شهر رمضان الكريم
أعاده الله علينا بالخير واليُمن والبركات
اللهم أمين يا رب العالمين
وحشتووونى وحشتووونى وحشتووونى
قــــــــد كــــــــده
موضوعى النهاردة يا قمرات المدونة
بسيط خالص مالص
طاجن كبد فراخ بس بجد رهييييييب
يتاكل آكل يا فتوكات
طبعاً مش من إيديا ههههههههههه
بســـ الله ــــــم
ღ حبة طماطم واحدة … 1/2 كيلو كبده فراخ
2 بصلة … 2 قرن فلفل
ملح … فلفل … قرفة … زنجبيل … كارى
حبهان مطحون … بهارات فراخ
ღ نحط البصل والفلفل والطماطم والتوابل كلها فى الكبة
ونفرم فرم خشن دشششششششش
ღ فى الطاجن بتاعنا نحط جزء من الخلطة
بالشكل ده يا قمرات
ღ الكبدة بتبقى حتتين لازقين فى بعض يا فتوكات
بس انا بقسمها 2 بالشكل ده يا قمرات
ღ ونرصها فى الطاجن هى والقلوب كمان
لعلمكم كل القلوب دى عملت لها عمليات قلب مفتوووووح
هههههههههههههههههه
ღ وبعدين نحط باقى الخلطة بتاعة البصل والفلفل والطماطم
بالشكل ده وملعقتين زيت ذرة
ღ ونغطيها بالفويل بالشكل ده ونحطها على النار
من فوق الأول يجى ربع ساعة
ღ وبعدين نشيل الفويل ونشوفها إستوت ولا لأ
لو كانت محتاجة ميه نحط 1/4 كوب مش كتير يا قمرات
علشان هى بتستوى بسرعة ومش بتستحمل
ღ كده لما شربت الميه تقريباً بس مش كلها
وبعدين دخلتها الفرن علشان تحمر
ღ و دى لما خرجت من الفرن يا قمرات
ღ ده طبق الفتوكة اللى تحبها من غير إضافات
هههههههههه
ღ و ده للفتوكة اللى بتحب السلطة الخضرا
ღ و ده نصيب الفتوكة اللى بتقول فى 60 سلامة الدايت
هههههههههههههه
وتحب معاها الإسباجتى والبطاطس والسلطة الخضرا
ღ سلام بقى علشان ده نصيبى انا و زوجى وإبنى
ههههههههههههههههه
وبس خلاص خلصت خلاص
ويا رب يكون موضوعى عجبكم يا قمرات
وأكون ضيفة خفيفة عليكم
ومرة تانية كل سنة وإنتم بالف خير يا فتوكات
وبليييييز متنسوش التقييم
مواضيع هذا القسم برعاية
Noursein Noursein 177973_4.gif فتكات ست الكل Fatakat 177973 حلوان – مصر أم الدنيا