زوجي غاوي مطبخ
احلى شيش طاووق بحب اكله من ايده
نيجي بقي للطريقه :-
اولا / التتبيله
ولا هنقول زبادي ولا مسطرده ولا الكلام ده خااااالص ….
اولا هو بيجيب فرخه كامله ويخليها من العظم ويقطعها قطع متوسطة الحجم لا صغيره ولا كبيرة وما شاء الله السيخ الواحد يكفي فرد ويشبعه كمان
وبينظفها وبيعصر عليها ليمون عشان الزفاره .
وبعد كده نييجي للخلطه وهي عادية خاااالص مالص :-
بصل على قد الكميه
1 ثمرة طماطم
قرن فلفل حامي وصدقوني مبتطلعش مشطشه بالعكس بتديها طعم وريحه خرافه
وملح وفلفل اسود وتوابل مطحونه توابل عاديه
ومعلقة باربيكيا
وكوب زيت والزيت هنا فايدته انه بيطري الفراخ من جوا عشان لما تتشوي متنشفش
وخل وليمون على قد مبتحبي بس متكتريش من الخل
…….. ونضرب كل ده فى الخلاط ونحطها عالفراخ ………..
وتسبيها قد ساعتين كده .
وخدي شوية برده من التتبيله وقطعي طماطم وبصل وفلفل رومي قطع وحطيهم برده فى التتبيله
وبعد كده نجيب الاسياخ الخشب الكبيرهوتكون منقوعه فترة في مياه عشان متنشفش وتسيخي
وركزي فى التسييخ اول قطعه بصل بعد كده فلفل رومي بعد كده طماطم بعد كده قطعه الفراخ وهكذا لغاية متنهي السيخ بقطعة البصل
يعني البداية زي النهاية عشان برده المنظر والتوزيع بيدي شكل حلو للاكل
بعد كده جاب الشوايه اليي هي ده
وفرد الاسياخ اكنه هيشوي فراخ عادي وبعد كده حطاها عالشوايه الفحم
وبصراحه هو بيموت في الشوي عالفحم وشاطر فيها جدا ومبتاخدش وقت خالص زي الفرن
ولو حبيتي انك تشويها فى الفرن برده حطيها في الشبطه وعالفرن بس تكون في الوسط عشان توزيع الحرارة وبعد كده تديها وشين تحت الشوايه وتولعي فحمة في السرفيس اللى هتحطيه فيها وتغطيه عشان تحسي انها زي المشويه بس هو مش بيحب يعملها زي مبقول غير الفحم وصدقوني احلللللللللللللللللى بكتير
وبالهنا والشفا والموضوع القادم باذن الله هصوره وهو بيعملها من اول مبيجيب الفراخ لحد ميشوها وممكن وهو بياكلها كمان ….
هههههههههههههههههههه
مستنيه تقييماتكم مواضيع هذا القسم برعاية
totatotatito totatotatito فتكات متميزة Fatakat 505087 القاهرة – مصر