السلام عليكم ورحمة الله وبركاته
صلوا على الحبيب المصطفى عليه أفضل الصلاة والسلام
برام بطاطس بالفراخ خرافىىىىىىىىى بجد ريحته قلبت الشقة وطعمه طلع يجنن
المقادير
وركين فراخ وأنتى ممكن تزودى
بطاطس حلقات
نص كيلو طماطم مبشورة
فلفل أخضر حلقات
بصلاية متوسطه حلقات
بصلاية متوسطه مبشورة
نص ليمونه
3فصوص توم مفرومين
ملح
فلفل أسمر
كمون
توابل فراخ
الطريقه
هنغسل الفراخ كويس ونقطع كل ربع على 2 أو سيبيه بحاله زى ماتحبى
ونعمله التتبيله عبارة عن
نجيب طبق غويط نحط فيه
االبصلاية المبشورة وعصير نص الليمونه وملح وفلفل وكمون وتوابل الفراخ وطماطمايه مبشورة ونقلبها ونتبلها أكبر وقت ممكن وأنا لما بيكون عندى وقت بتبلها من قبلها بيوم وأهى التتبيله
هنقشر البطاطس ونقطعها حلقات ونغسلها ونحط عليها الفلفل الاخضر الحلقات
وبقية الطماطم المبشورة والتوم المفروم ونقلب البطاطس بالخلطه دى فى الطبق الغويط ألى فيه الفراخ ونقلب على بعض كده عشان البطاطس تتشرب التتبيله
ممكن نركنها نص ساعه كده قبل السوا عشان البطاطس تتشرب التتبيله وبعدين نحط المقدار كله فى البرام والفراخ عالوش ونحط معلقة سمنه أو زيت زى ماتحبى لان أصلا الفراخ هتنزل سمنتها فى البطاطس ونحط شوية شوربه أو ميه ونحط البرام فى الفرن
ودى فى نص السوا فتحت أبص عليها عشان ريحتها كانت طلعت جامدودى صورة مباشرة من الفرن
ودى بعد ما أستوت يالهوىىىىىىىىىى على ريحتها تصدقوا جوعت
زوووووووووووووووووووووم على البرام العظيم
وعملت جنبها رز بالشعريه وشويه مخلل وكانت أكله تحفه بجد على فكرة البرام بيدى طعم رائع للاكل
بعمل فيه كمان البسله المطبوخه والفاصوليا الخضرا والتورلى وعيشى بقى
لو عجبك الموضوع قيمى وسيبيلى رد فيه رأيك
ولودعوة حلوة بالذريه الصالحه يبقى أحلى واجب
مواضيع هذا القسم برعاية
مسلمه حبيبه الرحمن مسلمه حبيبه الرحمن فتكات غالية قوي Fatakat 647422 الأسكندريه – مصر