بسم الله الرحمن الرحيم
صباح الخير عليكم يا بنات يارب تكونو بصحة وعافية ويكمل حمل كل واحدة فينا على خير يارب
انا يا جماعة خايفة وقلقانة اوى انا اولا حامل فى اول الشهر الخامس وبعانى من نسبة صديد وزلال عالية جدااااااااااااااا المهم انا تعبت يوم الخميس اوى ودرجة حرارتى ارتفعت وعمرى ما كنت اعرف يعنى ايه طلق ولادة غير لما جالى الوجع اللى حسيت بى دة ربنا ما يكتبه على حد ابدا يارب
جنبى كنت بحس ان حد مولع فى نار وممسوك منى والوجع يلف فبطنى كلها ويروح خابط اخر بطنى واخر ضهرى ربنا يعفو عنا يارب
المهم عشان مطولش عليكم مقدرتش اتحمل الالم وكنت بعض فالارض منه وروحت المستشفى عملولى تحليل بول وطلعت نسبة الصديد اوفر 100 والزلال كمان عالى اوى وحجزونى فالمستشفى
الاول ادونى مسكنات تسكن الالم وبعد كدة بدأوا يعلقو محاليل ويحطو فيها علاج ويخفضو الحرارة وكدة وعملولى مزرعة بول بس لسة النتيجة مطلعتش انا الحمد لله طلبت منهم الخروج لانى تعبت من النوم فالمستشفى
ومش باخد اى حاجة غير مسكنات بسسسسسس يعنى مفيش علاج غير بعد نتيجة المزرعة
انا دلوقتى بقالى يومين عايشة على لبوس بروفينيد لان الالم اجاركم الله محدش يتحملو مجرد ما مفعول اللبوس يروح الوجع رجع تانى وان شاء الله نتيجة المزرعة يوم الاتنين وهروح اعرضها على الدكتورة عشان تكتبلى علاج ومضاد حيوى مناسب
المشكلة دلوقتى انى خايفة ومرعوبة اوى على البيبى لان الصديد دة خطر عليه مش عارفة القلق ماسكنى اوى لانى كدة بقالى 3 ايام تعبانة ولسة كمان يومين عشان نتيجة المزرعة تطلع وكمان كام يوم يكون مفعول العلاج اللى الدكتورة هتكتبهولى جاب نتيجة
مش عارفة خايفة لا قدر الله الصديد دة يعمل تسمم حمل او يلوث كيس البيبى او اى حاجة فالفترة دى وخصوصا ان لما الالم بيجيلى بحس ان الصديد بياكل فيا وفالبيبى عاوزة منكم اللى عندها تجربة زى دى او تعرف حاجة عن الموضوع دة تطمنى عشان مش بنام مالموضوع دة انا ربنا كرمنى بالحمل دة بعد فترة وخايفة يروح منى بعد الشر
ادعولى ربنا يكمل حملى على خير انا وكل اللى زيى يارب
دلوعة بجد دلوعة بجد 325977_1.gif فتكات هايلة Fatakat 325977 الجيزة – مصر
