السلام عليكم ازيكم يا حوامل
انا يوم 14-8-2015 ان شاء الله هتم الشهر التاسع
ووضعي كالآتي
الحوض كويس الحمدلله واسع
والبيبي كويس الحمدلله
لكن المشيمة شوية عجزت يعني قدامها وقت قليل ومعادتش توصل الغذا للبيبي …
البيبي راسه تحت دخل مجال الحوض بس لسة منزلش لدرجة الولادة متعلق في البطن ..
الرحم مفتوح 1 سم
وبمشي كل يوم مالا يقل عن ساعة ساعة ونص
وبيجيلي طلق كاذب كل يوم طول الليل لحد مابنام من الهبوط والاجهاد الصبح الساعة 6 او بعد كدا كمان
كنت متابعة مع دكتور قالي انتظر وان كل حاجة تمام
ورحت استفسر من دكتورة تانية قالتلي ان نسبتي في الطبيعي 30%
واني لو استنيت هيجيلي طلق طبيعي وبردو الرحم مش هيفتح والبيبي مش هينزل وهبئا خدت وجع الطبيعي وولدت قيصري
مين حالتها كانت زيي وولدت طبيعي ؟؟
ومين جربت زيت الخروع وجاب معاها نتيجة ؟؟
انا تعبانة اوي ونفسي اولد طبيعي لاني مش هعد في بيت اهلي غير اسبوع .. وبعده هروح شقتي بينها وبين اهلي 4 ساعات مواصلات يعني هبئا لواحدي ولو ولدت قيصري مش هعرف اخدم نفسي ولا افرح بابني ولا اخدم جوزي
الله يكرمكم ساعدوني بحلول تساعدني اولد طبيعي انا خلاص جسمي معتش مستحمل الطلق الكاذب اكتر من كدا عايزة اولد عشان اخلص
الله يخليكم اللي عندها معلومة تفيدني واللي مش عندها تدعيلي ربنا يفرح قلبي بابني واعرف احضنه بعد الولادة لاني اتبهدلت في حملي جدا وكان عندي نزيف اول 3 شهور
عشان خاطري متبخلوش عليا بالدعاااء
ربنا يكملي ويكمل لكل حامل على خير
ويرزق كل مشتاقة يااااارب عاجل غير آجل
قطة مشتاقة قطة مشتاقة 619050_5.gif فتكات رائعة Fatakat 619050 قلب تائب – مصر