ازيكم يا فتوكات يا رب تكونوا كلكم بخير ومبسوطين
انا اول مرة ادخل القسم دا
ودخلت مخصوص عشان اشوف المواضيع ونزل موضوع
وانشاء الله مش هيكون اخر موضوع
يلا نبدء
بسم الله الرحمن الرحيم
الاولا سلطة الزبادى اللى مفيش غنه عنها مع كل الاكل
واللى انا بحبها جدا
هى بسيطة وسهل جدا
هنقول المكونات
زبادى( حسب الافرادالموجدين)
توم مهروس
قليل ملح
خيار مبشور
نعناع ناشف مفرود باليد ناعم جدا
نعناع اخضر للزينة
نخلط جميع المقادير مع بعض ما عدا النعناع الاخضر
يوضع فى طبق التقديم زبدية صغيرة اوسلطنية
ويوضع النعناع الاخضر على وجة الطبق
وممكن يرش قليل من النعناع الناشف
بشكل خطوط من الداخل لخارج
بس انا معملتش كدة
تانيا عروس السفرة (الفتوووووووووووووووش)
من اجمل السلطات سلطة الفتوش ومن احبها عندى
طبعا هى وسلطة الزبادى
ههههههههههههه
المكونات
خيار مكعبات
طماطم مكعبات
جزر مبشور
زيتون اخضر واسمر (الموجود) شرائح
خس مقطع
بصل مقطع ناعم ممكن بصل اخضر
(انا مش بحط بصل على اى نوع سلطة لان مش باكله)
ليمون
سماق
نعناع ناشف
ملح
زيت زيتون
خبز مقطع قطع زصغيرة ومحمص بالزيت
(ممكن يتحمص فى الفرن بس يكون قاسى عن الزيت
انا بفضل اللى بالزيت)
تخلط جميع المكونات مع بعضها
يفضل خلط الخبز عند التقديم
بعد وضعه فى طبق التقديم بحب ارش على وجه الطبق بالنعناع الناشف والسماق
ودا الشكل النهائى
وبكدة الف صحة وعافية
يارب يعجبكم
استودعكم الله
مواضيع هذا القسم برعاية
vovo2016 vovo2016 260903_8.gif فتكات غالية قوي Fatakat 260903 اسكندرية – فلسطنية مصرية غزوية