ازيكم يا فتوكات يا مقطقطات
انا النهاردة جيبلكم المقلوبة الفلسطنية
بس مش زاى اللى متعودين عليها بالدجاج او اللحمة
كان عندى كدة ارنب ابن حلال مصفى
قلت هعمل عليك اية اعمل عليك اية
قتله تعالى والله غير اعمل عليك مقلوبة وزاى ما تجى بقى
اصله احنا متعودين نعملها بالدجاج او اللحمة دا كانت جديدة
انا بصراحة اول مرة اجربها حد فيكم جربها قبل كدة
كفاية رغى وندخل فى الموضوع المقلوبه
نقول بسم الله
طبعا الارنوب الجميل داهنبداء بيه
الاول طريقة سلق الارنب
بعد ما نغسله كويس اوووووووى ونفركة بشوية ملح حلوين نسيبه حبة على جنب
ونحط الحله على النار فيها مية ولحد ما تغلى
يكون الارنوب خد راحته كدة فى الملح
نروح منزلينه فى المية المغليه
ونسيبه يغلى خمس دقايق تقريبا مش اكتر لانه المية دا هنرميها
مش عايزينها
نصفى الارنب ونشطفه بمية حلوة
نغسل الحلة ونحطها على النار
ونجيب معلقة سمنه بلدى عميل ادايا وحياة عنيى ونحط عليها شوية زيت مش كتير
عشان السمنه ما تحترق مننا
ونكون محضرين بصلة مقطعه
ونزلها على السمنة نقلب لحد ما البصل يذبل مش يصفر
ننزل بالارنوب بقى ونقلبة مع البصل شوية حلوين كدة
ونحط حب هان وفلفل اسود وورق لورا
ونحط مية ونسيبه لحد ما يستوى
قبل ما نطفى عليه نحط الملح ونظبطه
خلصنا من الارنب واستوى والحمد الله
فى الوقت اللى بنسلق فيه الارنب
وفى حلى حلوة كدة يستحسن تكون تيفال
انا عملت فى حلة عادية بس حطيت ورق فويل
نرص حلقات الطماطم
نكون مقشرين الباذنجان ورشين عليه شوية ملح قبلها
نقلى البصل فى الزيت وحطينة على شرائح الطماطم
وبعده نقلى الباذنجان ونحطه فوق البصل
طبعا هيكون الارنب استوى
ننشله من الشربة ونحطة فوق الباذنجان
نكون محضرين كمية الارز اللى عايزينها انا بعمل كوباتين
غسلينها وحطين عليها توابل
شوية فلفل اسود شوية عصفر وبهارات مشكل
انا عندى تشكيل عملها وخلطهم على بعض بتدى طعم روعة
(قرفة وزنجبيل وخلونجان وقرنفل وورد الجبل )
المقلوبة عمتان بتحطلها كركم بس بصراحة انا مش بحب الارز الاصفر
فمحططش
لو حبة حطى معلقة صغيرة
ونحط الرز المتبل فوق الارنب
ونحط شربة من بتاعت الارنب
لحد ما تغطى الارز
بشوية
ونحطة على النار لحد ما يغلى ونوطى عليه خالص
زاى اكنك بتعملى رز عادى
لحد ما يستوى الارز
لمدة تلت ساعة تقريبا
اوعو تمشوا راجعين تانى
مواضيع هذا القسم برعاية
vovo2016 vovo2016 260903_8.gif فتكات غالية قوي Fatakat 260903 اسكندرية – فلسطنية مصرية غزوية