بسم الله والصلاة والسلام على نبى الرحمة وخاااتم الانبياء والمرسلين ..
ازيكم يا أجمل فتوكــــــــــــات .. يارب تكونى بخير ..
كـــــــــــــل عام وأنتم بألف خير ..
النهاردة طبقنا .. طبق جميل والناس كلها بتحبها .. طبق سهل وشهى .. ويارب يعجبكم من أيديا وصورة الحية من مطبخي ..
& كبسة الدجاج // سلطة الكبسة الناعمة &
بسم الله نبدأ ..
المكونــــــــــــــــــات ..
1 دجــــــــــاجة وربـــــــــــع ( على حسب عدد افراد الاسرة )
3 كوب أرز بسمتى
3 حبات بصـــــــــــل
2 حبة جزر مبشور
1 حبة طماطم مبشورة
2 ملعقة طعام صلصة طماطم
1معلقة طعام ثوم مفروم
2 مكعب مرقة الدجاج
#بهـــــــــــــارات الكبسة #
بهارات صحيحة (2 حبة لومى ( ليمون مجفف) / 1 حبة خولنجان / 2ورق لورا / 3 عود قرفة / 3 عود قرنفل / 3 حبات هيل )
بهارات مطحونة ( 2ملعقة طعام بهارات الكبسة /ربع ملعقة زنجبيل / ربع ملعقة كمون / ربع ملعقة فلفل أسود / ربع ملعقة كزبرة مطحونة / أقل من ربع ملعقة قرفة ناعمة /نص ملعقة /ص كركم )
*ربع كوب زيت / 2 م سمنة
4 ملاعق مكسرات ( لوز / صنوبر )
& سلطة الكبسة &
3 فص ثوم / 4 قرون فلفل حامى / 6 حبات طماطم / بهارات (ملح وكمون وفلفل اسود وخل وليمون )/ فلفل تشيلى حار جدا ( 2 قرن ) ( اختياري )
الطــــــــــريقـــــــــــــــة **
_ هنغسل الدجاج كويس جدا ونقطعة أرباع وننقعة فى ماء وخل ودقيق وليمون معصور وملح .. دى صورته بعد التنظيف
ودى صورة مبدأية للمكونات..
_نجيب حلة فيها زيت وسمنة تسيح ننزل عليها بالبصل المفروم ونقلب ونضيف كل البهارات الصحيحة أولا ..
_البصل نقلب حتى يصفر نضيف الثوم المفروم ونضيف عليه الجزر ونقلب والطماطم المبشورة ونقلب كويس ..
_ العملية دى تسمي ( التكشين ) يعنى تتسبك وتشوح كويس المكونات اللى ذكرتها ..
_ هنشطف الدجاج ونصفية فى مطفاه كويس ونضيفة لخلطة البصل والجزر والطماطم ونقلب ..
_ هنشوح الدجاج فى الخليط كويس حتى يتشوح وهنا هنضيف البهارت المطجونة كلها ..
_ ونشوح كويس ونضيف مقدار من الماء اللى يغطى الدجاج فقط +2 ملعقة صلصة الطماطم
_ هنسيب الدجاج على النار ساعة أو ساعة وربع حتى تنضج الدجاج ..
_ ننشل الدجاج فى صينية .. ونجيب بولة فييها ( 1 ليمونة معصورة + 2 م زيت ذرة +1م زبدة + رشة فلفل اسود )
_ هنخلط المكونات ونرشها على الدجاج وندخلة الفرن تحت الشواية ونقلبها من الجهتين ..
_ونعاير فى حلة أخرى مقدار 4 كوب ونص من المرقة فى الحلة ونضيف عليها الارز البسمتى ..بعد غسلة وتصفيتة ضرورى ..
_ لكل كوب ارز بسمتى = 1كوب ونص من المرقة أو الماء
_نخلى النار وسط ونظبط ملح الارز وعند الغليان نوطى النار وتكون هادية ..حتى يستوى الارز ….
هنحمر المكسرات فى سمنة او زبدة او زيت من اختيارك .. وده شكلها
_ عند نضج الارز هنضعة فى طبق كبير وعلية رشة من الكسرات ( اللوز / الصنوبر ) وعلية الدجاج المحمر وباقى المكســـــرات ,,
ودى صورة تانية لطبق الكبســـــة .. ماشاء الله
سلطة الكبســــــــــــــة ..
فى الكبة ضعى الثوم والفلفل الحامى أو بارد على حسب ما تحبى / بس بالحامى بيكون أجمل / والطماطم / والبهارات (ملح وفلفل اسود وكمون وخل وليمون )
ممكن تضيفى كزبرة خضراء عليهم / وتضربيهم حتى تكون السلطة ناعمة .. وتضعيها فى اطباق ..
دى صورة السلطة طبقين حامى (تحت ).. وطبق بارد..
وألف هنا وشفــــــــــــــــا على قلوبكم ..
جربــــــــــوها وادعولى .. والتقييم يا فتوكـــــــــات .. مش هقول تعبت بس أنتوا أكيد حاسين بمجهودى ..
شكرا لكرم أخلااااقكم .. أتمنى تعجبكم أجمل كبســـــــــــــة خليجى ..
& رب اجعلنى مقيم الصــــــــــــلاة &
مواضيع هذا القسم برعاية
رب اجعلنى مقيم الصلاة رب اجعلنى مقيم الصلاة images/flowersavatars/avatar0025.jpg فتكات ست الكل Fatakat 562435 القاهرة – مصر