السلام عليكم ورحمة الله وبركاته
ازيكو يااحلى فتوكاااااااااااااات
يارب تكونو كلكو بخير
انا عملت طاجن فراخ هيعجبكو اوووى اوووى اوووى
يلا نشوف الطريقة
بالصور طبعا
هنحتاج الحجات دي
فرخة واحده
علبة زبادي ونص
معلقتين طحينة كبار
معلقتين مايونيز
معلقتين كاتشب
معلقتين خردل
بصلة كبيرة مفرومه ناعم
4 فصوص توم مفرومين ناعم
زنجبيل
ملح وفلفل وكمون وبهارات
وبصلة شرايح
وكركم
الطريقة بقى
هنحط كل الحجات دي على بعض ونخلطهم ماعدا الفراخ والبصل الشرايح
ودي شكل الخلطة قبل ماحط فيها الفراخ
بعدين هنقطع الفرخه
8 أجزاء
بعد مانكون غسلناها بمية وخل ودقيق
ونحطها ف الخلطة بين الجلد ونغز الفرخه بالسكينة من كل جنب عشان تتشرب التتبيله
ودي شكلها ف التتبيلة اللي عملتها
بعدين هنغطيها بورق المنيوم وندخلها التلاجه ليلة (انا عملتها من بليل وسوتها تاني يوم)
ونطلعها قبل مانسويها بنص ساعة
وندخلها فرن حامى لمدة ساعة دي فرخة بيضا مش بلدي
بعدين نشيل ورق الالمنيوم ونشغل وش الفرن عليها عشان تتحمر وناخد شراي البصل قبل مانحمر وش الفرخة ونحطه عليها من فوق عشان يتحمر معاها
ودي شكلها بعد ماستوت
كان طعمها بجد خرااااااااااااااااااااافه
وعملت معاها سلطة طحينة ورز بسمتي
وبطاطس فرسكس وصوص البطاطس
وبالهنا والشفا
يارب تكون عجبتكم وتجربوها وتلاقوها حلوه
واتمنى اشوف ردودكم الجميله
والتقييم لو شكلها عجبكو
مواضيع هذا القسم برعاية
يوتانا يوتانا 164522_5.gif فتكات غالية قوي Fatakat 164522 مصر – مصر