ايه رأيكم يا فتوكات
كل واحدة تقول ايه الاكلات اللي بتعملها من
الفراخ
و اللحمة القطع
و اللحمة المفرومة
و السدق
و الكبدة
و البسطرمة
و السمك
و و
عشان ناخدوا خبرات من بعض
كل واحدة تقول اسم الأكلات اللي بتعملها من الحاجات دي
و اللي عاوزة تعرف أكلة معينة بتتعمل ازاي
تبقي تسأل و الفتوكة ترد عليها
(اذكريه بقي)
انا ساعات بشوف اكلات علي فتكات بكون اول مرة اسمع عنها عشان كده قلت اعمل الموضوع ده
عشان كل الاكلات نكونوا عارفينها
الحمد لله الحمد لله الحمد لله
***********************
انا بعمل من
الفراخ
الصدور تتخلى و يتعمل منها بانية
و الوراك شيش طاووق (بس لسه ماجربتهوش)
و ممكن فراخ مشوية
و ممكن تتسلق و تتحمر عادي
و ممكن تتعمل في صينيه بطاطس او كوسة
و شوفت واحدة هنا كانت عاملة برام رز و جواه الفراخ بس كان شكله تحفة
و لو افتكرت حاجة تانية هاجي اقولها
اللحمة القطع
كباب حلة +مكرونة و يا سلام لو اسباجتي
ملسلوقة عادي
ماجربتهاش مشوية (هبقي اجربها ان شاء الله )
و ممكن تتحط في اي اكلة (فاصوليا …..)
اللحمة المفرومة
ممكن
كفتة عادية
كفتة رز (موفرة جدا)
بيتزا
احط منها حبة علي المكرونة بتدي ليه طعم حلو
خلية نحل و احشيها بيها
مكرونة بالبيشامل محشية لحمة مفرومة
حواوشي
السدق
ممكن بالصلصة و الفلفل الاخضر
و ممكن مع الفول
و ممكن بيتزا
حواوشي
و ممكن يتحمر بس
الكبدة
مش بعملها غير اسكندراني
البسطرمة
ممكن بالبيض
ممكن عيش محشي بسطرمة
بيتزا
(بس ماجربتهاش مش عارفة هتبقي حلوة ولا لاء )
السمك
لو بلطي
مشوي
مقلي + رز صيادية
لو صغير
يبقي مشوي بس
لو سردين
ممكن يتعمل صينية في الفرن
و ممكن يتملح
لو جمبري
ممكن بيتزا
او بالخضرة و الطماطم و البصل و و و
انا كده خلصت و اكيد انا ما قولتش كل الاكلات اللي ممكن تتعمل بالحاجات دي
عاوزة اقولكم علي شوية معادلات
رد حلو + اسم اكلة حلوة بردو + تقييم = 
هتمشي من غير ولا حاجة
****************************
و دي وردة حلوة لكل اللي في الموضوع
احبكم في الله
صلوا علي الحبيب
مواضيع هذا القسم برعاية
امة الله : دعاء امة الله : دعاء 238144_5.gif سوبر فتكات Fatakat 238144 جنب كشك عمو عبده ههههه – مصر