السلام عليكم ورحمة الله وبركاته
ياعرااااااااااااااااااااااااااايس يا قمرااااااااااااااااااااااااااااااااااااااااااااااا ات
بعد ما جبتلكوا اخبار طاسات بدرينى الإيطالى (فى اللينك ده اللى مشفهاش)
https://fatakat.univanet.com/#3897103
انهاردة بقى خبر محل تانى خالص اكيد كلكوا عارفينه لأنه قديم اوى
بس مكنش حد بيعبره انا عن نفسى جمب بيتى وعمرى مافكرت ادخله اساساً
محل
(النهضة) فى المنشية عند ميدان محمد على
عاملوا فيه تجديدات ومع ذلك محدش بيقربله _سبحان الله_
انهاردة بقى نازلة انا ومامتى واختى نجيب هدية لنونو صاحبة اختى وهدية لخطيبى
والله مفكرناش فى المحل ده خالص بالصدفة كدة ماما بتقول هنلاقى فى النهضة حاجات نونو حلوة
ودخلناو سبحان الله فعلاً مقسم الارزاق من حيث لا نعلم
المهم بقى منغير رغى كتير هقولكوا المفيدعندهم يابنات حاجات شتوى تحفة والله تحفة واسعارها هنا فى المدونة 170 واكتر انا جيباها من هناك ب140 واقل
عندهم جلابيات قطيفة تجنن كنت عاوزة اخدهم كلهم لأنهم يعتبروا عبايات استقبال
وارواب جميلة اوى قطيفة وميلتون قطن ومليتون قطيفة وكمان القطيفة بيدفى مش الخفيف اللى بيسقع ده
وبجامات ب 60 و70 ……….. لحد 140 كلهم احلى من بعض ومودرن شيك
وعندهم بردو بجامات تركى بس دى لسة مش جبتها عشان الميزانية بااااااااااااااااااااااظت
عايزة اقولكوا يابنات ان عندهم كتالوج (صبا) بتنقى منهم اللى يعجبك اكيد لو عملتو بحث عنه هتلاقوها وفى فى المول تاجرات بتبيع منها
وشوفو رزقهم كمان .. جبت لخطيبى ترينج adidas من هناك بردو
وجبنا هدية لنونو صاحبة اختى ونونو بنت خالتى ونونو بنت خالتى التانية (3نونو)
كمان يابنات عندهم مفروشات وفوط وبرانس جمال اوى
(انا مكنتش مقتنعة بالبرانس اللى فى العلب لأن خامتهم بتكون مش حلوة ) عندهم بقى لقيت خامتها حلوة اوى خلونى غيرت رأيى
اقسم بالله يابنات انا بقول الكلام ده شهادة فى حقهم مش اكتر
وتقدروا تروحوا وتشوفوا ( والله والله مش دعايا ) بس عاوزة الفتوكات يستفادو زيى
وانا مش حطيت صور لأن فى تاجرات فى المدونة بتبيعهم فحرام اقطع برزقهم
Nody Lola Nody Lola 482845_2.gif فتكات رائعة Fatakat 482845 alex – egypt