واخيراااا اتوزنت ….كل اللى عاوز تشجيع عشان يخس مع GAMALT يدخل بسرعة 2024.

السلام عليكم ورحمة الله وبركاته
فى الاول انا صاحبة الموضوع (والله قفل شهيتى للاكل ومن اول مرة)
طبعا حبابيى اللى شرفونى فى الموضوع عارفين القصة بتاعتى
واللى مش عارفين هقول باختصار
انا ياجماعة الحمدلله من حوالى سنه كان وزنى 107 ورحت للعطار اجيب خلطة سعيد حساسين فالعطار قالى ان الفوقس الحويصلى مش موجود والماده اللى فيه موجوده فى حاجه تانيه احسن منه وهى زيت الكرفس المهم جبت ازازة والحمدلله فعلا قفل شهيتى للاكل وخسيت عليه 7 كيلو فى 3 اسابيع
المهم سافرت الامارات لجوزى وحصل حمل لمدة شهرين وماكملش ونزل والحمدلله على كل حال
فى الفترة دى كنت نسيت زيت الكرفس خالص ومفعوله الرهيب معايا فى سد نفسى عن الاكل وقعدت اكل وجالى اكتئاب وماكنتش بتحرك لان الجو هنا حر موووت والرطوبه فظيعه فكل خروجاتنا بالعربيه عشان طلبات البيت وبعدين لقيت هدومى بتضيق عليا ومش قادرة اتحرك فقلت اروح اتوزن انا بقالى سنه كامله عماله اكل وبالذات بالليل
اتوزنت طلعت 115 مشفى
طبعا اتصدمت وقعدت اعيط
وقررت انى لازم اعمل حاجه والله الحمدلله دعيت ربنا كتيير انه يوفقنى لنظام كويس فقلت هعمل الصيام العكسى ومااقولكوش كنت بموووت من الجوع بالليل وقعدت ادعى يارب ثبتنى المهم افتكرت حبيب قلبى زيت الكرفس وجبته تانى واخدت منه والحمدلله معدتى مرتاحه عليه اوووى بالاضافة لشويه تمارين بسيطة اوووى لمدة 10دقايق بس يوميا عشان الترهلات
واخيرا ياجماعة انا اتوزنت بعد 27 يوم بالظبط من يوم 1/2 ليوم 27/2
بعد 27 يوم من 115
بقيت 104
مش عاوزة اقولكم كنت عامله ازاى قعدت انزل واطلع على الميزان وكان نفسى اصور الميزان عشان اوريهولكو لحد ما الراجل جه وقال لجوزى فى حاجه ولا ايه لو عاوزين تقيسو نسبة الدهون او المية وكده بس انا اتكسفت ومارضيتش ومن فرحتى بقيت حاسة انى عاوزة اطير
لحد دلوقتى مش مصدقة نفسى بس الحمدلله يارب الحمدلله
انا بكتب موضوعى ده عشان كل حبايب قلبى اللى شرفونى فى الموضوع اللى فات وبالاخص اللى جربوه وجاب معاهم نتيجه حلوة زى ومبخلوش عليا انهم يفرحونى بالنتيجه وكانو مستنينى اتوزن عشان يتتشجعو اكتر
واللى ماشرفونيش كمان وعاوزين تشجيع اظن مفيش احسن من كده تشجيع
يالا كل واحده عاوزة تتشجع تقرا موضوعى وتعمل زيى يالا قومى انتى وهى مستنين ايه ؟؟؟؟؟؟!!!!!!
انا بقى مستنية ردودكم وتقيمكم لموضوعى عشان كل اللى عاوزة تخس تشوف موضوعى المتواضع يمكن ربنا يجعلنى سبب فى تشجيعها
وياااارب تخسوا بصحة وعافيه وتوصولو للوزن اللى انتو عاوزينه وتبقو احلى مزززززززز
احبكم فى الله
واستودعكم الله الذى لاتضيع ودائعه


GAMALT GAMALT فتكات متميزة Fatakat 1099274 مدينة الاسلام – ارض الله الواسعة

سبحان الله و بحمده

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.