السلام عليكم من جديد
الموضوع دا تبع الموضوع دا ياجماعة
https://fatakat.univanet.com/#4899809
ادخلو بجد هتستفيدو اوى وهتاخدو دفعة وحماس باذن الله
دا يابنات نظامى هو نظام حياة اكتر منه دايت علشان اللى مثلا مينفعش تعمل اكل منفصل ليها او كدا وهنعيش طبيعين خالص ومفيش اى مشاكل
هو عبارة عن شوية نصايح اصلا انا مجمعاهم مع بعض كدا من برامج او نت او مقالات حتى صحية او ع الفيس
ملقطاهم كدا ومع الوقت خليتهم نظام حياتى الحمدلله
خسيت من غير حرمان او جوع بالنصايح دى واعتقد الاجانب ماشيين بالعادات الصحية دى علشان كدا جسمهم جميل من غير حاجة
بسم الله
اولا الفطار
ربع رغيف اسود (مش ابيض ولافينو ولابسكويت ولاالكلام دا) او ممكن عيش السن تاكليه بكمية اكبر شوية
مع خيارة مع بيضة مسلوقة مع جبنه بيضا وابعدى عن الجبن الصفرا نهائى
ثانيا الغدا
قبليه لازم طبق سلطة كبير مشكل وخليه اخضر بقدر الامكان يعنى زودى الفلفل الاخضر علشان الهالات بتاع العين وزودى الخيار علشان وشك وشبت بقى وجرير جزر زى ماتحبى
بعديه الغدا
هيكون فيه ربع فرخة يامسلوقة يامشوية او سمك مشوى او بيضه مسلوقة اللى يجى ادامك المهم كل حاجة تاكليها تكون خالية تماما من الزيوت او السكريات العالية
مع دا هيبقى فى طبق شوربة عدس او شوربة فراخ او فاصوليا او لوبيا اللى موجود
بس الحاجات دى هتطبخ بدون زيوووووووووت وطبعا مع اربع معالق رز او مكرونة
ثالثا العشا هيكون زى الفطار وممكن تنوعى بفول او زبادى لبن خالى الدسم كدا يعنى
___________________________-
دا كدا الاساس
محكمتكيش بحاجة اهو
بس ركزى معايا اوى ف النصايح اللى جاية دى لانها هى القاعدة الاساسية ف نظامى اصلا
1 هتشربى ميه كتييييييير اقل حاجة لترين ونص(تجيبى من لترين لتلاتة كدا ف ازايز حطيهم جنبك ولازم يخلصو ع مدار اليوم)
والاحسن اوى هتشربى قبل كل وجبة 3 كوبايات ميه هتحرق بشكل مش عادى
2 لازم لازم تعملى رياضة مشى كل يوم ساعة ف البيت للى مبيخرجش وابدأيها بنص ساعة علشان متتعبيش
وعلشان متلفيش خدى دى
https://www.youtube.com/results?searc…be.LgoLx2yWoOA
5 فيديوهات نزليهم واعمليهم كل يوم لقيت نفسك هتتعبى من التانى من التالت تعبتى اقفى
بس اليوم اللى بعده حاولى تكترى لحد ماتكونى قادرة تعمليهم كلهم
الرياضة هى الاساااااااااااس وعن تجربة
انا معملتهاش واهملتها ف البداية جالى ترهل فظيع وخطوط بيضا
فليه بقى اعمليييييييها مهمة جداااااا وقبل ماتبدأيها اشربى فنجان قهوة بيخسس جدا قبل الرياضة وليكى 2 قهوى ف اليوم
وياريت نبعد عن الكافى ميكس والنسكافيه
اى ميكسات بلووووة وفيها زيت مهدرج بيثبت الوزن ومبينزلش
وبالنسبة لوقت الرياضة لازم بعد الاكل بساعتين ولو عايزة تاكلى بعد الرياضة يبقى تستنى ساعة بعد الرياضة وبعدين تاكلى
وممكن تشربى مية اثناء الرياضة بس ع خفيف اوى
3 اكل الفاكهة يبقى بعد الاكل ع الاقل بساعتين ونص
______4 اتعودى دايما قبل ماتنامى تشربى كوبايتين شاى اخضر او كوباية عادى
ومفيش اكل قبل النوم ب 3 او 4 ساعات هيمنع اى كرررش
______________________________________
هقولكم من اول مااصحى لحد ماانام علشان توضح الصورة
اولا بصحى قبل الفطار بشرب 3 كوبايات ميه وافطر
استنى ساعتين وبعدين اشرب قهوة والعب رياضة
استنى ساعة بعد الرياضة واخد 3 كوبايات ميه والغدا
بعد الغدا استنى ساعتين ونص او تلاتة واخد ثمرتين فاكهة
بعد الفاكهة بساعة كدا او ساعة ونص اشرب 3 كوبايات ميه واخد العشا
________________________________________
بالنسبة بقى لاكلك عموما مفيش دهووووووووون مفيش سكريااااااااااااااااااااات مفيش نشويات الا بالقدر القليل
لو حسيتى بهبوط خدى معلقة عسل
اه وكمان داومى ع معلقة عسل اسود كل يوم علشان لاقدر الله ميبقاش فى انيمية ويعالج الهالات السودا
مفيييييييش تلقيط ف نص الوجبات او خلل بالنظام
لوحسيتى فجأة انك جعانه اتسلى بالالياف زى الخيار كدا او الجزر او الاته
اى حاجة غلط بدليها
يعنى بدلى بيض مسلوق بدل مفقوش او افقشيه من غير زيت
سمك مشوى بدل مقلى
متطبخيش بزيت خالص الا وقت اللزوم اوى ويدوب حاجة كدا بالفرشة ع الحلة
___________________________________________
بالنسبة للمشروب اكيد كلكم عارفينه
قرفة ع زنجبيل ع شاى اخضر ع نعناع وكمون حصا وممكن تزودى بردقوش شمر ليمون اللى تحبيه
دول بيتغلو ع بعض وبتغطيهم 10 دقايق علشان الزيوت المفيدة فيهم متروحش وتصفيه وتشربى
لو حسيتى بمرارة اوى حليه بنص معلقة سكر او كلى معاه جبنه بيضا طعمه بيبقى حلو
بيتشرب ف اى وقت والاحسن قبل الوجبااات
________________________________________
النظام انا عارفة انه مش قاسى ومش متحدد
هو عبارة عن بعد عن اى حاجة بتخن وتنظيم لوجبات وشوية عادات زى الرياضة والمية لان انا واثقة فى ناس مبتشربش ميه كتير
باذن الله هيجيب معاكم نتايج هايلة ويبقى دا نظام حياتكم
دايما بقول انا مبعملش ريجيم انا بنظم حياااااااااااااة ومش متقيدة بصنف معين
بشوف دايما هل دا سعراته كتير ولالاء وبالتالى بحدد اكله ولالاء بس دى القصة
وعموما لما نفسى بتيجى ف حاجة اوى باكلها ف يوم الفرى
ليا يوم ف الاسبوع اكل فيه اى حاجة تيجى ف نفسى
يارب النظام يعجبكم وتعملوه
FooD EnGiNeeR FooD EnGiNeeR فتكات هايلة Fatakat 536549 Om ElDoNia – Misr