السلام عليكم يا بنات
يا رب تكونوا بخير
بصوا بقى انا هقلكم نصييحة حلوة لووو ناويين على حلل او صوانى بيركس
انا عاملة موضوع كامل عن الحلل برضة ابقوا شوفوه بس قلت ان النصيحة دي مهمة انى اقلها بشكل منفصل ..
طبعا كلكوا عارفين البيركس اللي بيدخل الفرن ..
هو طبعا كويس ف الاستخدام .. بس بيحتاج استخدام حذر جدا
مينفعش يتحط عالنار مباشرة
مينفعش تطلعيه تحطيه عالرخامة لو ساقعة
او لو عليها ماية طبعا
متعرفيش تزوديله مية وهو سخن
كتجربة ..
كن عندنا 3 صوانى بايركس .. واتنين فرقعوا والحمد لله
انا اه استخدمتها غلط حطتها عالنار علطول وكنت كل شوية ازودلها مية مكنتش اعرف انههم بيتحطوا بس ف الفرن بس
بس هي مفرقعش لانى حطتها النار فرقعت بسبب انى كنت كل شوية ازودلها مية .. فاصدمها يا عيني وهى سخنة ..
باختصاار انا ف راي البيركس مش عملي خاالص ومحتاج معاملة خاصة واي حاجة ممكن تفلقه ومبيستحملش الصدمااااات خااالص لدرجة ان الصنية التانية عرقت فرقعت …
طيب يعنى عايزة ايه يا ترانيم ؟؟؟؟
هقلكم بقى على اختراع طبعا كتيييير عارفينه وهو
دة خراااااااافة وسعره قريب جدا من البايركس ..
تحطيه عالنار مباشرة
ثم عالتلج مباشرة
عااااااااااااااااادي جداااااااا
طبعا بيتحط ف الفرن
تزوديله مية زى ما انتى عااااااايزة ممتااااااااز بكل معنى الكلمة
خفييييف عن البيركس خالص
كتجربة
اخوا جاب براد فيزون حوالي لتر ومرمطه استخدام والله
بحطه عالنار وببقى شايفة النار والعة تحته
بحطه الرخامة اللى مليانة مية .. بملاه مية تانى غلاسة وهو بيغلي وارجع احطه عالنار تاااااااني
بجد خطييييييييير
وتخيلوا كان سعره 20 جنيه ههههههههه
نوعه تشيكي
واحسن انواعه عموما التشيكي والفرنساوى
بجد نصيييحة يا عروسة ويا فتووكة متجبيش بيركس خااااالص
هاتي كله فيزون حراري واتاكدى انه فيزووون بيتحط عالنار وبيستحمل الصدمات الحرارية من نار لتلج ولا يحصله حاجة …
هاتي 3 صواني للفرن فيزوووون حراري
ولو عايزة تجيبي حلل فيزون هاتي 3 او 4 حلل كفاية بالغطا بتاعهم وبيكون مسطح كدة
ودة رووعة ف قلي البيض ..والحاجات السريعة .. وحلو جدا للميكروويف كمان لو تستخدميه كغطا
والحلل نفسها صحية جدااا ف الاكل وخاصة ف الطبيخ المسبك بتاعنا ومش بتتفاعل مع الاكل خاااالص ماااالص طبعا ..
باختصااااااااااار جددى وبلاش تقلدي .. انسي البايركس خالص وخليكي ف الفيزون اضمن وأنضف وأأمن واريح ..
دة رأي المتواضع يا فتوكات
واختلاف الحلل لا يفسد للطبخ قضية
وبالتوفيق يا قمرات
ودي
ترانيم
البنات اللى بتسال عن الفيزون هو شبه البياركس بالزبببط شبه الازاز بس اخف من البياركس ..وطبعا فيه كل المميزات اللى قلتها فووق ..
وقولوا للراجل عايزة فيزون حراري اللى هو بيتحط عالنار مباشرة وبيتحمل الصدمات من نار لتلج ولا يحصله حاجة وبيكون شبه البيركس بس اخف شوية ..
وعشان متتلخبطوش يا بنات..
الفيزون اخووو البايركس بس من اب وام تانيين .. يعني بيفرق عنه انه بيتحط عالنار علطول وبيتحمل الصدمات الشديدة من نار لتلج
ولو عمو البياع قلك عندى بايركس بيتحمل الصدمات لازم تتاكدى انه بيتحط عالنار الاول ..
لو بيتحط عالناار يبقى هوووو الفيزون ان شاء الله ..
وعالعموووم اسالى بداية كدة باسمه "فيزون حراري" مفهمش اراجل وضحيله .. بس كدة
انا حاولت احط صورة يا فتوكات بس دى ممكن تكون بايركس عادي اهم حاجة تتاكدوا من خواصه زي ما وضحت …
لو عجبكم الموضوع ادعولى بصلاح الحال وان ربنا يجمعنى بخطيبي عاجل غير اجل ويرجعله بالسلامة يا رب
ترانيم المطر ترانيم المطر 120978_10.gif فتكات ست الكل Fatakat 120978 المنصورة – مصر