اولا ياريت تدعولى ان ربنا يرزقنى بر بنتى وابنى
انا الحمد لله جبت بنوتة ودى كانت 2 ولادة ليا فى اول ولادة كنت قريت على الخلطة الى بتسهل الولادة الى كانت شمر ويانسون وحبة البركة وحلبة ومحلب وتخلطيهم على بعض وتحطى معلقة على كوب ماية وتشربيها مع بلح وتكونى محلياها بالعسل الاسود
فى ابنى الاول الحمد لله جربتها وربنا سهل الولادة مع انى كنت بكرية
فى بنوتى العزيزة بقى انا خلصت من الخلطة مرتين وخلصت 4 كيلو تمر واتاخرت الولادة شوية الى ان قرب الشهر التاسع على الانتهاء فضلت ابحث شوية على النت وعلى بعض النصائح اولا
خلال يومين مشيت كل يوم ساعة انا وزوجى ربنا يحميه يارب ويسرله امره
وفضلت اشرب الخلطة السرية كنت مسمياها مشروب الطاقة وزودت شرب اليانسون عشان انا عصبية وكنت نفسي احافظ على هدوئي فى الولادة
فى اليوم الثانى بدا يظهر طلق كل ساعتين بالنهار وبليل مشيت ساعة باردو وروحت شربت مشروب الطاقة ويانسون تانى لغاية مبقى بيجى طلق خفيف كنت شاكة فيه لانه كان خفيف
كان كل ميجيلى الطلق كنت بتنفس وبدعى لحد او بقول يامخلص النفس من النفس يسر ولا تعسر
وكنت بقول حسبي الله لا اله الاهو عليه توكلت وهو رب العرش العظيم
وبعد كدا كانت ليا قربتى عايشة فى امريكا بتقولى ان المغربا بيبخرو بين الافخاد بالمرمرية وانا الصراحة عملت كدا
وكنت قريت ان الحمام الدافى بيخفف من الالام الطلق وكنت مش قادرة اقف فمليت البانيو ماية واعدت فيه ساعة مكنتش بحس الا بطلق خفيف خالص …..مهم اوى البانيو دا لانى بعد الولادة قريت عن الولادة تحت الماية وبقى دول العالم كلهم متجهين ليها وان ليها فوائد كتير
مجرد مطلعت من البانيو بقى بيجيلى طلق رهيب كانت دكتورة صديقة ليا قالتلى لما يجيلك طلق ابقى خديها فى وضع القرفصاء طبعا لانى وزنى زاد خالص وكان من رابع المستحيلات انى اعمل الوضع دا فكنت شارية الكورة الرياضية عشان ابقي اعد عليها وجوزى كان بيسندنى ظهرى
3 الفجر اتحركت رحت للمستشغى وكنت اتصلت بالدكتورة وهى مكنتش متوقعة
الدكتور النبطشي كشف عليا وكانو هيولدونى فى اودة الكشف ودخلونى على اودة العمليات على طول وربنا رزقنى باحلى هدية بنوتى القمر
مع انى كنت هولد الولادة من غير الم بس الحمد لله ربنا سهلها جدا من غير بنج
حبيت افيد كل واحدة داخلة على الولادة بتجربتى
وعيزاكو تدعو لدكتورتى لانها جاتلى بالبجامة وفوقيها بالطو وكانت بتجرى كانى اختها
shishoo shishoo 13931_4.gif فتكات متميزة Fatakat 13931 اسكندرية – مصر