اخواتى الفتوكات انا عارفه ان 90% من البنات التختوخات اللى عاوزين يغيرو من وضعهم زيي بندوروندور ويمكن نقعد شهوووووور ننوى من غير فعل و10% بيجربوا وصفات وريجيمات واحيانا رياضه اومتابعه مع دكاتره التخسيس لمده بسيطه جدا وبعدين نيأس ونزهق ونوقف ويمكن نرجع ضعف الىلى خسرناه
مطولش عليكوا انا قررت ابدا الرجيم النهارده وده خلاصه بحث مطول فى عالم الرجيمات والوصفات وكمان هبتدى من بكره اول يوم رياضه خفيفه وهيا نصف ساعه يوميا مشى نهارا ونصف ساعه رقص الوقت اللى يناسبك منعا للاصابات انا غير مسؤله
ده البدايه بس بعدين بنزود وقت الرياضه ونوعها
*عاوزه كل فتوكه تحب تبدا معايا تقول طولها ووزنها ويوميا تكتب اعترافاتها بقائمه وجبه الغداء و الخربطه الى عملتها فى يومها
المهم اتباع الاتى:
*اسبوعيا هنقارن الوزن القديم بالجديد
*ممنوع الحلويات والاكلات السريعه والمشروبات الغازيه حتى ولو دايت
*العشاء والفطار عباره عن زبادى مع ملعقه صغيره ببذره كتان محمص طازج وغير مطحون
*الغداء حسب الرغبه بشرط ممنوع المكرونه والمحاشى بكل انواعها اما الارز مسموح ازا كان مسلوق والخبز رغيف اسمر او ربع ابيض ولابد من اكل طبق سلطه كبير اول الوجبه
*مابين الوجبات نوع من فاكهه(الكيوى او الاناناس او التفاح) او نوع واحد من الخضار(خس او خيار او كرفس او جزر)
* الاكثار من شرب (الشاى الاخضر مع الجنزبيل الاخضر او الميراميه )او (القرفه بالجنزبيل)طبعا بدون سكر او على الاكثر بنص معلقه
*والفتوكه اللى يزيد وزنها تزيد نص ساعه مشى متواصل لمده اسبوع اكتر واحده هتزيد عن وزنها تلقب بالرحاله الفاشله وواللى هتكون لها اكبرنسبه فى خساره الوزن تلقب بالرحاله المثاليه حتى لو نزلت 2 ك فقط وعلى فكره خساره الوزن تدريجيا له فوائد فوق ماتتخيلو 1- يمنع الياس من الرجيم 2-يمنع الترهلات اللى بتحصل مع النزول السريع
3-لايضر بصحه القلب 4-لايؤدى لخسسان الوجه الى بنعانى جميعا منه مع الرجيمات السريعه
ومشوار الالف ميل بيبتدى بخطوه
*انا يابنات طولى 155 اما وزنى 100 ك
والوزن ده كله اكتسبته فى 10 سنوات فقط وبتمنى انى ارجع
لوزنى المثالى قبل الزواج والاولاد56 ك وده الهدف النهائىاما هدفى الاول 80ك والثانى 70ك
يلا يافتوكات يا تختوخات مين معايا نشد الرحال للقوام المثالى
دانه حواء دانه حواء فتكات جديدة Fatakat 822725 راس الخيمه – الامارات