السلام عليكم ورحمه الله وبركاته
ازيكوا يا اخواتى الفتوكات الحلوات الجميلات يا احلى صحبه فى الدنيا
انا طمعانه فى كام واحدة بقى كده تفيدنى وبعدها اروح خبطاها كام دعوة كده حلوين عشان تحبنى وتتبسط منى
ندخل بقى فى الموضوع على طول بطلوا كلام كتير انتو رغايين كده ليه
المهما نا عندى 22 سنه زى معظم الشابات طبعا بيطلعلى حبوب في وشى واختكوا بقى تمووووووت لو مالعبتش فى اى حاجه طالعه فى وشها اعمل ايه ايدى دى عايزة قطعها المهم رحت عند دكتورة عالجتها ولكن سابت مكانها بقع كده شكلها مش حلو الدكتورة عطيتنى كريمات تفتيح فتحت شوية وستوب على كده وانا اصلا خلقى ضيق وماعنديش صبر فقولت بدل ماتعصب ع الدكتورة واعملها عاهة مستديمة وهى ياعينى غلبانه لسه صغيرة مش حمل بهدلة مستشفيات اعمل تقشير كيميائى واخلص بقى قريت عنه عن النت لقيت انه حلو ومالوش اى ائار جانبية عملت جلستين بس المشكلة بقى ان وشى مش بيقشر كتير وخالتى جارتها كانت بتعمل تقشير كيميائى بردو وبتقولى ان وشها كان بيقشر جلد تخين انا ماحصلش حتى جلد نحيف ده يادوب كده كام قشرة اكنى لسه راجعه من البحر وخلاص
ايه ده ايه ده انا سامعاه ناس عماله تقول اوف وبوف وهوف انتو لحقتوا تزهقوا ده لسه صفحتين على ماخلص حكايتى هو انا لحقت اقول حاجه عموما خلاص عشان خاطركوا بس حدخل ع الاسئلة على طول
السؤال الاول
اختر من بين القواس
ياترى ليه وشى مش بيقشر قشر تخين هل(حسب طبيعه البشر – الدكتورة بتستعبطنى عشان اعمل جلسات كتير – هو ده العادى )
السؤال التانى
اكمل
ياترى الى منكو جربت التقشير الكيميائى ايه الى حصل فى وشها………………………..(اشرح بالتفصيل)
الاملاء
من اول السطر كل واحدة جربته تقولى عملت كام جلسه وايه الى حسته بعد ماخلصت الجلسات ياترى مثلا حسيتى بدوخه ونفسك غامة عليكى وعايزة ترجعى ومش طايقة ريحة الاكل ولا ايييييييييييييييه يلا قولولى بسرعة عشان الدكتورة دى فاضلها زلطة وتطلع بره انقذوها من تحت ايدى
ياريت تجاوبوا بترتيب الاسئلة عشان ماتتعبونيش فى التصحيح وشكرا جدا لمروركم
حاجه اخيرة بقى قبل ماتطلعى الهى ربنا يكرمك ويرزقك ويرضى عنك ويسعدك ويفرح قلبك وكل دعاوى الشحاته دى انا عايزة اشحت منكوا دعوه
ان ربنا يرضى عنى ويحسن ختامى ويرزقنى بالزوج الصالح بدل ما انا قاعدة فاضية كده مش لاقيه حد اناكف فيه واتعارك معاه والحاجات الحلوة بتاعت الخطوبة دى
جغرافية شطورة جغرافية شطورة 650206_1.gif فتكات رائعة Fatakat 650206 اجمد واحدة الساعة واحدة – حبيبتى مصر