السلام عليكم ورحمة الله
كل سنة وانتم طيبين يا احلى البنات
انا بكون مبسوطة جدا وانا بعمل الاكلات واصورها بسبب تشجيعكم ليا بجد ربنا ما يحرمنى منكم
انهارده بقا عندى مينى بيتزا انا ليا موضوع هنا عن البيتزا المرة دى بقا كنا رايحين ع البحر قولت اجرب واعملها مينى وطلعت روعه وغيرت فى العجينة والحشوة
المكونات
كيلو الا ربع دقيق
كوب زبادى
رشه ملح
معلقة سكر كبيرة
معلقة خميرة فورية كبيرة
ربع كوب زيت ذرة او زيتون
اختكم بقا قلبت الدنيا على زيت ملاقيتش والساعه كانت 9 الصبح واستحاله جوزى يرضى ينزل يجيبلى
قولت الشاطرة تغزل برجل حمار
كان عندى سمنة نباتى رحت سيحت 3 معالق وحطاهم
متعطليش نفسك ابدا يا فتوكة
هنعجنها بالميا الدافية لغايه ماتلم ومتلزقش فى الايد وتكون طرية ولينة
هنعملها كور وندهن الطبق زيت ونحطها فيه تخمر انا عجنتها الساعه 9 الصبح ولما عملتها كانت الساعه 3 العصر
هنا بعد ما تخمر
هنجيب كورة كورة ونبططها فى الصينيه
هنحط صلصة البيتزا او الصلصه العادية بعدها موزاريلا وفلفل وزيتون انا حطيت فرانكفورتر وممكن من غير عادى
هتتخبز على 180 درجة والفرن يكون سخن
هنا بعد ما تخبزت
وعملت صينيه كمان عشان الصاج مكفاش الفرن عندى كهربا ونونو اوى
اهية الصينيه بعد ما استوت
واهو التقديم
طبعا انا لمتهم تانى وحطيتها فى العلب عشان خدناهم ع البحر
وكل سنة وانتم الى الله اقرب
ادعولى اخرج من رمضان من المغفورين لهم مواضيع هذا القسم برعاية
ليالى مصرية ليالى مصرية 403997_5.gif فتكات غالية قوي Fatakat 403997 جدة – السعودية