السلام عليكم و رحمة الله و بركاته
(طبعا زي ما احنا متعودين يا فتوكاتي, الموضوع مجرد نبذة او فكرة و انتوا المطلوب منكم انكم تدوروا و تقرأوا اكثر عن الموضوع ده مع نفسكم)
(تاني ملحوظة انا مش عارفه صور النساء دي مخالفة و لا لأ)
—————————————————————————————–
لو عندك مرض نفسي
او جسماني
او حتى عيب في الشخصية
و حاسه انك اقل من غيرك
و عمرك ما هتحققي اي حاجه في حياتك
و انك مالكيش فايدة
و محدش هيتجوزك و انتِ كده
يبقى اسمعي مني
الإرادة الإنسانية يا حبيبتي مالهاش حدود و كله بإذن الله طبعاً
هعرض عليكم شوية امثلة من الاف التجارب الناجحة لناس بيقال عنهم انهم معاقين
الإرادة الإنسانية يعني لما هيلين كيلر الفاقدة لحاسة السمع و البصر يبقى معاها بكالريوس اداب و تبقى محاضرة و ناشطة اجتماعية و سياسية و أديبة عظيمة
الإرادة الإنسانية يعني بعثة مصر للأصحاء بجلالة قدرها في اوليمبياد بكين 2024 تحصد ميدالية واحدة برونزية
و بعثة مصر للمعاقين تحصد 12 ميدالية منهم 4 دهب!!!
الإرادة الإنسانية يعني نيك فيوتتش المولود بلا ارجل او ذراعين يحصل على بكالريوس محاسبة و تخطيط مالي و يخرج فيلم قصير و يبقى اشهر محاضر في مشاكل المراهقين و يتجوز واحدة حلوة كمان
الإرادة الإنسانية يعني لما تبقى جيسيكا كوكس مولودة من غير ذراعين و تبقى طيارة و لاعبة تايكوندو و معاها بكالريوس علم نفس من جامعة اريزونا و معاها رخصة غطس!!
الإرادة الإنسانية يعني لما السباح المصري مصطفى خليل يعبر المانش 3 مرات و هو بلا رجلين (طول المانش حوالى 562 كيلومتر)
الإرادة الإنسانية معجزة كما تكلم عنها الدكتور مصطفى محمود رحمه الله
مش معنى اني مختلف عن الاخرين و اني اقل منهم في الصحة
اني احكم على نفسي بالسجن و الفشل و افقد الأمل في كل شئ
اه انا قد اكون اقل من غيري في الصحة و ربما مرضي ما يكونش له علاج
بس انا اقدر اكون ناجحة
انا اقدر اكون عظيمة
و انتِ كمان تقدري
دوري على موهبتك
اكتر حاجه بتحبيها
شايفه حاجه غلط في المجتمع عايزه تغيريها
دوري على هدفك و عيشي عشانه و انجحي فيه
تقبلي نفسك زي ما هي و حبيها و ارضي بيها
مفيش حد كامل
انتِ مش اقل من الناس دي
و السلام عليكم و رحمة الله و بركاته
التوبة و الانفال التوبة و الانفال 253605_1.gif سوبر فتكات Fatakat 253605 القاهره – مصر