انا بكتبلكم دلوقتى عشان حاسه انى مش عارفه عندى مشكله و لا لا
انا عندى ولد و بنت و انا عصبيه جدااااااااااااااااا بسمانكرش انى هديت شويه عن الاول يمكن اتعودت على مشاكل الولاد و الدوشه و عرفت ازاى من ده كله انى انظم بيتى ووقتى وكله تمام
بس المشكله فعلاقتى ببنتى
في حاجه مشمظبوطه مشعارفاها ايه
ان دايما متغاظه منها و حاسه انها سبب كل المشاكل و قلبيحامى عليها و بضربها كتير و بمنع نفسي عنها اكتر لكن برده علاقتى بيها مش عاجبانى
انا بحبها اوى و كل الناس بتقول انى مدلعاها و مهتميه بيها اكتر من اخوها بس جوايا انا العكس
انا حاسه ان اخوها الى مدلع و هى لأ و حاسه انها غلبانه اوى و بحسسها انها منبوذه و دايما غلط و مش عارفه لييييييييييييييه
هى عندها مشكله من زمان فالاكل و ده عامللى عبء زياده يعنى هى لازم لها اكل على مزاجها و الا اعدى 5 ساعات عالغدا مثلا اوساعتين فساندوتش او صوات و كل شويه كلى كلى و ده بيجننى لما تضيعلى نصاليوم فموضوع كلى خلصي طبقك خلصينى عاوزة اخرج خلصينى حرام عليكى عايزة انام عايزة انضف الصاله و على كده كل يوم صوات صوات عشان بستااااااااكل و لما اشوف بنات زيها ماشاء الله عليهم زى الفل و بياكلوكل حاجه
لا الفاكهه لا حلويات لا خضار لا مكرونه لا عايزة تاكل اكل مفيش منه فايده ليها واعد افهمها و اتخانق معاها عشان واحده جوافه و تاكلها باااارف و تعد تمسح بقها كل شويه و كانها كاكا
و بتسرح كتير و مابتسمعش الكلااااااااااااام و انا بتكلم كانى ما بتكلمش ولازم اصوت و اجى كانى هضربها تقوم جرى تعمل الى انا عاوزاه
و على كده طول النهار تعباااانى جدا و لو اضربها تصعب عليه واعد اانب نفسي طول النهار
تيجى من المدرسه جايبه صحبتها معاها و عايزة تروح معاها البيت و اقلها طب خلى صحبتك تيجى عندنا هى تيجى عندنا تقوللى لالالالالالا مامتها بتخاف عليها طب و انتى تروحى ليه لما مامتها مانعاها عنك مفيش فايده و لما تعيط تبصلي كانى ظالماها و احس انى ظلمتها و افضل طول النهار اقول المشكله فين
الغلط فين عملتلها ايه عشان تبقي كده احنا مش حارمنهم من اى حاجه و عايشين كويس و الحمد لله بيلعبو رياضه و زى الفل امل في ايه
عايزة افهمكم انى انا حاسه ان المشكله عندى انا لانى دايما حاسه انها سبب المشاكل و هى الى تعبانى ودلوقتى حتى لو كان اخوها السبب بلاقي نفسي عاوزوة اضربها هى و اعاقبها هى و اخر اليوم و انا شايفاها نايمه احس انى بظلمها و باجى عليها و ارجع اسمنع كلام الناس ان بنتى متعبه وما بتسمعش الكلام بس انا تعبت و لما بضربها بتصعب عليه اوى لانها بتعيط زى المظلومين كده و بحس انى ام مفتريه و ظالمه و كل يوم احلف انى مش هضربها بس تصرفاتها حاده عايزة تنفذ الى فدماغها و بس وده جننى خلااااص جننى
قمر المعادى قمر المعادى فتكات نشيطة Fatakat 1110685 فيلا اولادى – جمهوريه اولادى بالمعادى
سبحان الله و بحمده