السلام عليكم ورحمة الله وبركاته
ازيكوا يا فتوكات .. اخباركوا ايه مع الرجيم بانواعه ؟؟؟؟؟؟؟
بصوا انا فكرت فى فكره انى اكل من الاكل البيت العادى واخس برده فى تجميع لكل الرجيمات مع بعض
هقولكوا ازاى انا معاى طفل عنده شهرين وبرضع طبيعى .. الفكره انى بفطر الصبح عادى زى الرجيم يعنى نص رغيف بلدى ببيضه او بجبنه وكبايه شاى بمعلقه سكر واحده لانى سمعت ان الامتناع عن السكر بيضر الكبد وبعدها بساعتين باكل فاكهه والغدا اى اكل فى البيت بكميات صغيره وبعدها فاكهه بساعتين ومن بعد الساعه 7 بحاول مش اكل ولو جعت باكل فاكهه
طبعا بعك كتير دى شئ اساسى علشان كده عايزه فتوكات معاى تشجعنى واشجعها ونفكر مع بعض فى اكلات للغدا تكون صحيه ومفيهاش دهون وفى نفس الوقت يبقى اكل عادى علشان من جيهه مش نتعود على اكل الرجيم علشان مش نرجع تانى فى الوزن ومن جيهه تانيه علشان الرضاعه
انا طولى 157 ووزنى 77 وعايزه انزل مبدئيا ل68 ودى كان وزنى قبل الجواز والعيال وهدفى الاخير 62
ياريت اللى فى نفس الرنج بتاعى وبترضع وعندها اراده تدخل تكتب اسمها ونتابع بعض
وكل سنة وانتوا طيبين يا فتوكات يا عسلات ويارب السنة الجايه زى دلوقتى كل واحده تكون وصلت للوزن اللى بتحلم بيه
منتظراكووووووووووووووووووووووووووووا
wafa2_om_dody wafa2_om_dody فتكات هايلة Fatakat 458515 المحلة الكبرى – مصر
سبحان الله و بحمده